Psalm 65:2 - Edo Bible (E Baibol Ẹdo) Version 1996

² Rhunmwuda ne u na họn erhunmwu, emwa hia gha ke ehe hia bu ruẹ rre, rhunmwuda orukhọ iran.

Psalm 65:2 ပူးပေါင်းရင်းမြစ်များ

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

I Ọba 18:37

Zẹmwẹ wanniẹn mwẹ Nọyaẹnmwa, zẹmwẹ wanniẹn mwẹ, ne avbe emwa na miẹn ehe na rẹn wẹ, wẹ ne Nọyaẹnmwa ọrọre Osanobua kevbe wẹ te u viọ iran dọlegbe bu egbe ruẹ dee.”

II Krọnikol 33:13

E Nọyaẹnmwa keghi rhan obọ miẹn erhunmwu e Manasẹ, ọ keghi rhie ewanniẹn ne ẹẹn, ọ keghi gie ẹe werriegbe gha rrie Jerusalẹm ne ọ vbe ya gha re ọba. Ọ na ọ ghi ya e Manasẹ rẹn wẹ e Nọyaẹnmwa ọrọre Osanobua.

Psalm 102:17

Ọ gha họn ọghe emwa rẹn ne ọ sẹrae, ọ gha danmwehọ erhunmwu iran.

Psalm 116:14

I gha hae ẹre emwi ne I ve ẹre re vbe ehe ne emwa rẹn hia gbe ẹbu yi.

Psalm 116:18

Vbe ehe ne emwa ruẹn hia gbe ẹbu yi, vbe ehe ne ọ huanrẹn ọghe Ọgua Osa ruẹ vbe Jerusalẹm I gha ha emwi ne I ve ne uẹn. Wa rho e Nọyaẹnmwa!

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 66:13

I gha viọ ese ne a giẹn uan rriẹ owa ruẹ, I gha viọ emwi ne I ve ye urhu guẹ.

Psalm 66:19

Sokpan Osanobua gele họn ọghomwẹ nẹ, ọ vbe danmwehọ erhunmwu mwẹ.

Psalm 66:4

Emwa ni rre agbọn hia ọ re ọ ga a iran ghi gha so ihuan urhomwẹ ghe ruẹ iran ghi gha so ihuan urhomwẹ ghe eni ruẹn.”

Psalm 86:9

Uhunmwu ẹvbo ne uwẹ he yi hia, gha rre do ya uhunmwu rhanmwẹ otọ nuẹn iran gha rho ukpọlọmwẹ ruẹn.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 65:24

Iran te na erhunmwu fo, erhunmwu iran mẹ họn nẹ.

Aizaia 66:23

Ẹghẹ emwiukpo Uki ọgbọn kevbe Ẹdẹ Ikẹtin hia, ọre ivbi edọmwadẹ uhunmwu ẹvbo gha do ya gha ga mwẹ vbe Jerusalẹm vbe emwana. Erriọ,” Nọyaẹnmwa khare.

Nahum 2:1

E Ninevi, ghe vbe iran hẹ rhu uẹ! Ẹtin ne ọ ra duẹ ruẹ ua rre nẹ! Viọ emwa ye ogba ikhẹegbe ruẹ; mu egbe khẹ okuo!

Iyẹn ne ọ Maan Ọghe Jọn 12:32

A gha tọn mwẹ mu hin otọe rre nẹ, I gha silo emwa hia rri egbe mwẹ.”

Iwinna 10:31

ọ wẹẹ, ‘Kọniliọs, Osanobua họn erhunmwu ruẹn nẹ, ọ vbe ye iwinna itohan ruẹn rre.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”