Psalm 65:13 - Edo Bible (E Baibol Ẹdo) Version 1996

¹³ Uwu ogba vuọn ne avbe ohuan avbe uye keghi vuọn ne ọka emwi hia gha datu iran vbe so ihuan oghọghọ.

Psalm 65:13 ပူးပေါင်းရင်းမြစ်များ

Job 36:31

Erriọ ọ re ọ ya koko avbe emwa, ọ ghi vbe viọ evbare ọrhẹnrhẹn rre.

Psalm 144:13

Te a gha ye emwiokọ ughughan vuọn erru mwa, ne avbe ohuan ne ima rri gha biẹlẹ arriaisẹn vbe ihe igbe.

Psalm 72:16

Te evbare gha kpọ vbe otọe nii; te emwiokọ gha gha uhunmwu oke hia ne iran gha mọ zẹ vbe ọghe Lebanọn. Te emwa gha gba ore ẹvbo hia, zẹ vbe oha ne ọ vuọn ne irunmwu.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 44:23

Wa we uwemwẹ oghọghọ, wa ne ẹrinmwi wa gha wee, wa ne ehe ne ọ dinmwi vbe otọ agbọn. Wa gha we uwemwẹ oghọghọ wa ne avbe oke nekhua kevbe avbe erhan ni rre ẹgbo hia! E Nọyaẹnmwa rhie ukpọlọmwẹ ọnrẹn maa nẹ vbekpa ne ọ na miẹn Izrẹl ne emwa rẹn fan.

Aizaia 49:13

Wa so ihuan wa ne ẹrinmwi! Agbọn, wa we uwemwẹ oghọghọ. Wa gie avbe oke nekhua kpeghe urhu ua gha so ihuan! E Nọyaẹnmwa gha fu avbe emwa rẹn ẹko rre ọ gha tohan avbe emwa ne usẹ sẹ.

Aizaia 52:9

Wa gha wee ne oghọghọ wa ne itowa ni rre Jerusalẹm! E Nọyaẹnmwa gha miẹn ẹvbo ẹre fan ọ ghi vbe fu avbe emwa rẹn ẹko rre.

Aizaia 55:12

“Oghogho wa ra ya kpao vbe Babilọn rre ọfumwegbe ọ re a ra ya viọ uwa ladian vbe ore ẹvbo nii. Avbe oke nekhua kevbe negiẹrẹ gha kpeghe urhu ua so ihuan, avbe erhan gha wee ne oghọghọ.

Jerimaia 48:33

A rhie oghọghọ kevbe ọyẹnmwẹ hin otọe Moab ne ọ maa emwiokọ rre nẹ. I dobọ ayọn ne ọ la ke udin ayọn rre yi nẹ. A i ghi miẹn ọmwa ne ọ gha zẹ udin ayọn, ne ọ gha vbe gha we ne oghọghọ.

Joẹl 2:22

Wa ne emwi irri, wa ghẹ mu ohan, ehe ne uwa na rri ebe ye nunuunu, avbe erhan mọẹn ọmọ iran, erhan ohọ kevbe alimo ayọn kpọ kua.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Iwinna 14:17

Sokpan ẹghẹ hia ọre ọ ya gha rhie maa egbe ọmwa ne irẹn khin vbekpa emwi esi ne ọ ru. Ọ rhọ amẹ ke odukhunmwu ye otọ ne uwa, deba emwiokọ vbe ẹghẹ ne ọ ke yi, ọ rhie evbare ne uwa ne ọ gha ye ẹko sẹ uwa ọyẹnmwẹ.”