Psalm 64:9 - Edo Bible (E Baibol Ẹdo) Version 1996

⁹ Ohan gha mu iran hia iran ghi gha mu iwinna Osanobua roro iran ghi vbe gha na iyẹn emwi ne ọ ru.

Psalm 64:9 ပူးပေါင်းရင်းမြစ်များ

Psalm 119:20

Te udu mwẹ ghi fi ye ne I na rhie aro ye odẹ, I ho ne I rẹn ibuohiẹn ruẹn vbe ẹghẹ hia.

Psalm 140:10

Te ogiọnmwẹ erhẹn ẹyin gha rhurhẹ yan iran, te iran gha dele ye uye, ne iran ghẹ ghi ladian.

Psalm 40:3

Ọ ma mwẹ ihuan ọgbọn ne I gha so ihuan urhomwẹ ghe Osanobua mwa. Emwa nibun gha miẹn ọna wan, iran ghi mu ẹtin iran, yan e Nọyaẹnmwa.

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Psalm 58:11

Emwa ghi gha kha wẹẹ, “A gele san emwa esi ẹse vbẹmwata; Osanobua ne ọ bu ohiẹn agbọn na gele rrọọ.”

Psalm 59:13

Fuẹn iran an vbe ohu ruẹ, wa fuẹn iran an fẹẹrẹ, ẹghẹ nii, emwa hia ghi rẹn wẹ Osanobua ọ re ọ khaemwisẹ vbe Izrẹl kevbe wẹ asẹ ọ re gba otọe agbọn hia.

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Jerimaia 50:28

(Iran ni lẹ vbe owa, lẹ hin e Babilọn rre gha die Jerusalẹm. Iran na iyẹn vbene Nọyaẹnmwa rria ikhi ye ẹmwẹ vbene ivbi e Babilọn ru Ọgua Osa ẹre hẹ.)

Jerimaia 51:10

E Nọyaẹnmwa khare wẹẹ, “Emwa mwẹ gha wee, iran wẹẹ, ‘E Nọyaẹnmwa rhie ma ighẹ ma ọ re ọ rri ase. Wa gia gha rrie Jerusalẹm ne a ya tama iran emwi ne Nọyaẹnmwa ne Osanobua mwa ru.’ ”

Ezikiẹl 14:23

“Ẹghẹ nii u gha na rẹn wẹ emwikemwi ne I rhirhi a ru, ọ mwẹ emwi ne ọ sii ẹe ne ọ na kei!” E Nọyaẹnmwa ne Udazi guaan nẹ.

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.