Psalm 64:5 - Edo Bible (E Baibol Ẹdo) Version 1996

⁵ Iran ghi gha yi egbe ike vbe uma dan ne iran si, iran ghi gha si uma ehe ne iran gha rhuẹ ifi iran yi. Iran ghi gha kha wẹẹ, “Ọmwarhọkpa i miẹn iran.”

Psalm 64:5 ပူးပေါင်းရင်းမြစ်များ

Gẹnẹsis 20:13

Ugbẹn vbe Osanobua ghi rhie mwẹ ladian hin owa erha mwẹ rre gha rrie isi, I keghi tama rẹn wẹẹ, ‘U ghi rhie ma wẹ u rhiegbe mu mwẹ vbe ne u gha na kha vbe eheikehe ne ima rhirhi yo wẹẹ, ọtẹn mwẹ nokpia nọ.’ ”

Job 22:13

Sevba, te uwẹ ye nọ wẹẹ, ‘De emwi ne Osanobua rẹnrẹn? Ikpakpaiso degue ẹre nẹ, vbe ọ ghi na sẹtin gha bu ohiẹn ima hẹ?’

Psalm 10:11

Ọmwa dan ghi tama egbe ẹre wẹẹ, “Osanobua i zẹ yọ! Ọ mimi aro ẹre nẹ, ẹi bẹghe mwẹ!”

Psalm 124:7

Ma lẹ fe, zẹ vbene ahianmwẹ yuo hin ifi ọgbahianmwẹ rre ifi dọn fua, ma sannọ kua!

Psalm 140:5

Iran ni tọn egbe mu khuẹn ifi khẹ mwẹ, iran rhuẹ akobẹ iran nẹ, iran khuẹnnẹ ifi lele odẹ, ne iran mu mwẹ.

Psalm 59:7

Gha họn vbene iran tie ihẹn kevbe vbene iran vbe yanma hẹ. Aranmwẹ iran yevbe umozo vbe unu iran. Sevba te iran ye ro wẹ, ọmwa rhọkpa ma rẹn ne iran ye.

Psalm 94:7

Iran khare wẹẹ, “E Nọyaẹnmwa ma bẹghe ima; Osanobua Izrẹl ma rhie aro yọ.”

Ẹksọdọs 15:9

Eghian keghi kha wẹẹ, ‘I gha khu iran, I gha vbe mu iran; I gha ghae ẹfe iran, I gha miẹn iran emwi ne I ho hia; I gha yuo umozo mwẹ ladian, I gha ya ẹtin mwẹ viọ emwi hia ne iran mwẹ.’

Aizaia 41:6

Avbe owinna ru iyobọ, iran kegha rhie igiọdu ne egbe.

Ezikiẹl 8:12

Osanobua keghi nọ mwẹ wẹẹ, “U ma miẹn emwi ne avbe ekaolotu ivbi Izrẹl ru vbe ẹkhokho. Iran gha ga vbe ọgua ne ọvuọn ne avbe akobiẹ. Emwi ne iran wẹ ọ ya iran ru ẹe ọrọre wẹẹ, ‘E Nọyaẹnmwa ma degue ima, ọ fi iyeke gbe ẹvbo ima nẹ.’ ”

Nọmbas 22:6

Iran bun sẹ mwa, rhunmwuda onii, gha dee do fi iran unu mẹ, ughaghe, ma gha sẹtin khọnmiotọ vbe uhunmwu iran vberriọ, ne a khulo iran hin otọ na rre. I rẹnrẹn wẹ, u gha na erhunmwu ne emwa, afiangbe nọ ne iran, u gha fi emwa unu te ọ sẹ iran egbe.”

Matiu 23:15

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi fian okun rra, wa ghi la ẹvbo hoho fo gha gualọ arhin ọkpa kẹkan ne uwa gha ya khian enọyayi, wa ghẹ ghi miẹn nẹ, wa ghi ya ẹe khian ọmwa ne ọ kei ye ẹrinmwi erhẹn ukhukhu eva sẹ egbe uwa.

Arhie Maan 11:10

Ẹko gha rhiẹnrhiẹn emwa ne agbọn ye uwu ne iran eva na wulo. Iran ghi do ugie ẹre, iran ghi gha ya emwi ha oko gie egbe, rhunmwuda, akhasẹ eva na, oya ne iran si ye emwa ne agbọn egbe keghi bu ẹsẹse.

Giọgis 20:22

Ivbi izrẹl kegha rrie owa ugamwẹ, iran na ya khiẹ vbe odaro e Nọyaẹnmwa rhinrin ya sẹ ota. Iran nọ rẹn wẹẹ, “Ne ima ye ya gu etẹn mwa ighẹ ivbi e Bẹnjamin gbinna ra?” E Nọyaẹnmwa keghi wanniẹn, “Ẹn.” Ẹre ẹtin ghi na la ivbi Izrẹl iwu, iran na dọlegbe mwamwa ivbi iyokuo iran ye ihe enẹ ne iran ka vbe gha ye vbe ikpẹdẹ enẹ ne ọ gberra.