Psalm 64:4 - Edo Bible (E Baibol Ẹdo) Version 1996

⁴ Obọ wa kẹ iran vbe ohoghe ifavbaro iran ne iran vẹvẹ. Iran ya ọtakhọ ọyẹvbu iran fuẹn emwa esi ua.

Psalm 64:4 ပူးပေါင်းရင်းမြစ်များ

II Samuẹl 15:14

Ẹre Devid na tama ekhaẹmwẹ ọnrẹn ni gue ẹe rre Jerusalẹm wẹẹ, “Te ima gha zẹgiẹgiẹ ladian ne a miẹn ehe na miẹn uhunmwu vbe obọ Absalọm. Ẹgiẹgiẹ, ne ọ ghẹ ya rre banbanna, obọ ẹre ghi ke ukhunmwu ne ima, ọ ghi gbele emwa hia ni rre ore ẹvbo ua.”

Nehimaia 4:11

Avbe eghian mwa keghi te gha ro wẹ ma i ra bẹghe iran, ra ma i ra rẹn, iran te do hẹ rhu mwa, ne iran gbele ima an, ne iran da obọ iwinna mwa yi.

Psalm 11:2

Rhunmwuda avbe emwa dan si uhanbọ iran tua nẹ, iran vbe niẹn ifẹnmwẹ iran nẹ. Ne iran fi ọmwata vbe uwu ebiebi.

Psalm 55:19

Osanobua ne ọ khaemwisẹ, ke ne a bu agbọn tuagbọn gha dee, gha họn urhu mwẹ, ọ ghi khọn iran muotọ rhunmwuda, iran ma kue ne iran fiwerriẹ iran i vbe mu ohan rẹn.

Psalm 55:22

Zẹ ọlọghọmwa ruẹn obọ ne Nọyaẹnmwa, rẹn gha gbinna ne uẹn, ẹ i kue ne a mu ọmwa esi gbotọ

Psalm 57:5

Osanobua, rhie ukpọlọmwẹ ruẹn ma vbe iso kevbe uyi ruẹ yan otọ agbọn hia.

Psalm 64:7

Sokpan, Osanobua ghi fi ifẹnmwẹ ọnrẹn gie iran, emwi ghi vba iran vbe udomwurri.

Habakọk 3:14

Ifẹnmwẹ ruẹn saa arowa nọkhua ivbiyokuo ẹre, vbe ẹghẹ ne iran na rre zẹ vbe okpẹhoho ne iran do zagha ima an, ne iran na vbe giẹ ogie ọkhọ, zẹ vbe ọmwa ne ọ hẹko wọ ovbiogue uhunmwu.

Iyẹn ne ọ Maan Ọghe Jọn 19:6

Ugbẹn vbe avbe igie ohẹn kevbe avbe ọgbalegbe ghi wa bẹghe ẹre, iran davan wẹẹ, “Kan rẹn mu ugbugbe! Kan rẹn mu ugbugbe!” Pailet tama iran wẹẹ, “Wa mu ẹn khekherriọ ne uwa tobọ uwa ya kan rẹn mu ugbugbe, Mẹ ma miẹn abe bu gbe ẹe.”

I Samuẹl 18:11

E Sọl keghi ya ekhọe ẹre ta ẹe wẹẹ, “I gha hae ginna ekẹn.” Ọ na fi asoro ni gie ẹe igba eva sokpan, e Devid keghi gban egbe nẹ vbe eveva.

I Samuẹl 19:10

E Sọl keghi te hia ne ọ ya asoro ẹre ha e Devid ginna ekẹn, sokpan, e Devid keghi bi egbe, asoro na ya de ba ye ekẹn, e Devid keghi lẹ fua, ọ na miẹn uhunmwu.