Psalm 64:10 - Edo Bible (E Baibol Ẹdo) Version 1996

¹⁰ Emwa ẹmwata hia gha ghọghọ ye iwinna ne Nọyaẹnmwa winna ẹn. Iran gha ya lẹgbinna ẹẹn, avbe ẹmwata hia gha rho ẹre vbe uyi.

Psalm 64:10 ပူးပေါင်းရင်းမြစ်များ

Job 22:19

Emwa esi ghi gha ghọghọ, emwa ni ma rria abe ghi vbe gha giẹ. Vbe iran gha miẹn ighẹ a rri emwa dan oya.

Psalm 11:1

E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

Psalm 112:2

Ivbi ọmwa esi gha mwẹ ẹtin vbe otọe nii; a gha fiangbe ivbi uniẹn ọnrẹn.

Psalm 25:20

Degue mwẹ ne u miẹn mwẹ fan; ghẹ gie obọ gba mwẹ. Wẹ ọ re imẹ lẹgbinna.

Psalm 32:11

Wa gha ghọghọ, ne uwa vbe gha sọyẹnmwẹ wa ne ẹmwata rhunmwuda, iwinna ne Nọyaẹnmwa winna ẹn. Wa ni họn ẹmwẹ ne ẹẹn, wa gha we ne oghọghọ.

Psalm 40:3

Ọ ma mwẹ ihuan ọgbọn ne I gha so ihuan urhomwẹ ghe Osanobua mwa. Emwa nibun gha miẹn ọna wan, iran ghi mu ẹtin iran, yan e Nọyaẹnmwa.

Psalm 58:10

Ẹko gha rhiẹnrhiẹn ẹmwata, vbe iran a miẹn wẹ a rri emwa dan oya, iran gha tubu la esagiẹn emwa dan gberra.

Psalm 97:11

Uwanmwẹ wan mu ọmwata, kevbe oghọghọ, yan ọmwa esi.

Galatia 6:14

Zẹ vbe ọghomwẹ, ẹmwẹ ugbugbe Nọyaẹnmwa Jesu Kristi ọkpa ọre I ra ya gha rhuọ, rhunmwuda, ẹmwẹ ugbugbe ẹre, ọre agbọn na ya khian orinmwi vbe obọ mwẹ, mẹ na vbe khian orinmwi vbe obọ agbọn na.

Filipai 4:4

Wa gha ghọghọ vbe uwu Nọyaẹnmwa, I vbe dọlọ ta ẹe, wa gha ghọghọ.