Psalm 63:5 - Edo Bible (E Baibol Ẹdo) Version 1996

⁵ Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Psalm 63:5 ပူးပေါင်းရင်းမြစ်များ

Psalm 104:33

I gha so ihuan ghe Nọyaẹnmwa, vbe ẹdẹ agbọn mwẹ hia, inu ẹghẹ ne I gha ya vbe agbọn hia; I gha so ihuan urhomwẹ ghe Osanobua mwẹ.

Psalm 104:34

Te ihuan ne I so gha yẹ ọre, rhunmwuda, ehe ne irẹn ye, ọre orhiẹnrhiẹn mwẹ ke rre.

Psalm 134:2

Wa viọ obọ da odukhunmwu na erhunmwu vbe Ọgua Osa, ne uwa rho e Nọyaẹnmwa.

Psalm 135:3

Rho e Nọyaẹnmwa, rhunmwuda rẹn maa, wa so ihuan urhomwẹ ghe eni ẹnrẹn, rhunmwuda, ọ mwẹ itohan.

Psalm 17:15

Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Psalm 65:4

Afiangbe ọrọre ọghe iran ne uwẹ hannọ zẹ, ne uwẹ vbe viọ gha dee do di owa ruẹ ne ọ huanrẹn ya emwi esiesi ni rre owa ruẹ gha sẹ ima ọkẹn, afiangbe ọghe Ọgua Osa ne ọ huanrẹn ruẹn.

Psalm 71:23

I gha wee uwemwẹ oghọghọ vbe ẹghẹ ne I ya kpe emwi nuẹn I gha ya ẹtin mwẹ hia so ihuan, rhunmwuda, wẹ miẹn mwẹ fan nẹ. I gha dọlegbe gha rho ruẹ sayọ.

Psalm 96:6

Uyi kevbe oyọnyọn ọba gba ẹre egbe, ẹtin kevbe osẹ vuọn Ọgua Osa ẹre.

Ihuan Ne Ọ Sọọ Ihuan Hia 1:4

Rhie mwẹ ba egbe, ne ima lẹ kpao, gha re ọba mwẹ ne u rhie mwẹ la ughugha ruẹ. Ọyẹnmwẹ gha gba sẹ mwa, ma ghi da, a ghi gha maẹn rhan ruan vbe aho ẹmwẹ ọmwa. Ẹkhabe ne ikhuo hia na ho ẹmwẹ ruẹn.

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.