Psalm 63:3 - Edo Bible (E Baibol Ẹdo) Version 1996

³ Aho ruẹ ne ẹ i beghe maa sẹ arrọọ tobọre rhunmwuda ọnii mẹ gha rho ruẹ.

Psalm 63:3 ပူးပေါင်းရင်းမြစ်များ

Psalm 21:6

Afiangbe ruẹ gu ẹe rrọọ rhinrin ẹdẹ. Rẹn vuọn ne oghọghọ rhunmwuda wẹ gu ẹe rre evba.

Psalm 30:12

Rhunmwuda ọnii, mẹ i ra hunwan I gha so ihuan urhomwẹ ghe ruẹ e Nọyaẹnmwa, wẹ ọrọre Osanobua mwẹ I gha rhie ekpọnmwẹ ne uẹn rhinrin ẹdẹ.

Psalm 30:5

Ovbi ẹghẹ kherhe ọre izohu ẹre ya umamwẹ ọnrẹn keghi re ọghe ẹdẹ agbọn hia. Ameve sẹtin gha rhọkua vbe, asọn sokpan oghọghọ dee vbe owiẹ.

Psalm 4:6

Emwa nibun ọ re ọ na erhunmwu wẹẹ, “Rhie afiangbe ba afiangbe ne ima Nọyaẹnmwa Ye aro itohan ghe mwa!”

Psalm 42:2

Ohanmwẹ amẹ ruẹn gbe mwẹ, Osanobua ne ọ rrọ de ẹghẹ ni I gha ya yo ne I do ga vbe odaro ruẹ?

Psalm 51:15

Yọmwẹ obọ ne I guan Nọyaẹnmwa, mẹ gha vbe gha rho ruẹ.

Psalm 66:17

I kpe tie ẹre wẹ ne ọ yọmwẹ obọ, I ye ihuan rho ẹre.

Psalm 68:25

Avbe ọsian ke odaro avbe ikpemaba keghi lele iran iyeke avbe ibiẹka ikhuo ni kpe isẹ keghi rre ẹkpo iran.

Psalm 69:16

Rhie ewanniẹn mẹ Nọyaẹnmwa, vbe umamwẹ aho ruẹ ne ẹ i beghe vbe uwu itohan ruẹn nọkhua, gbe bu mwẹ rre!

Psalm 96:6

Uyi kevbe oyọnyọn ọba gba ẹre egbe, ẹtin kevbe osẹ vuọn Ọgua Osa ẹre.

Ẹksọdọs 33:18

E Mosis keghi nọ wẹẹ, “Lahọ gunmwẹ bẹghe uyi ruẹ ne wainwain.”

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ebe ne Pọl gbẹẹn gie emwa Rom 6:19

I ta ẹe vbene a wa ya guan kẹkan, rhunmwuda, wa ma he wegbe vbe oghẹ vbene a yi uwa hẹ. Vbe ẹghẹ ọkpa yi, wa ke wa zẹ egbe uwa obọ fẹẹrẹ zẹ vbe eviẹn ne emwi iruẹn kevbe ekhọe dan, ne a miẹn ehe na gha ru emwi dan. Vbe odẹ vberriọ zẹ, wa vbe zẹ egbe obọ fẹẹrẹ nian, zẹ vbe eviẹn emwi ẹmwata ne a ya gha ru emwi ne ọ huanrẹn.

I Kọrinti 6:20

Te ọ dẹ uwa ha osa, rhunmwuda ọnii, wa gha lo egbe uwa ne uyi Osanobua.

Filipai 1:23

Te aro mwẹ ghi rre eran rre eran. Ọ wa khọn mwẹ ne I sẹ agbọn na rae ne I ya tota ke Kristi, ọnii ọ wa re emwi ne ọ maa sẹ ẹsẹse.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

I Jọn 3:2

Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.