Psalm 63:11 - Edo Bible (E Baibol Ẹdo) Version 1996

¹¹ Ọba gha ghọghọ rhunmwuda Osanobua gie ẹe khọnmiotọ, iran ni ya eni Osanobua yan eyan gha rho ẹre sokpan a gha gue avbe ọhọn ohoghe unu.

Psalm 63:11 ပူးပေါင်းရင်းမြစ်များ

Job 5:16

Ọ rhie idaehọ ne ovbiogue. Ọ gue ọmwa dan unu.

Psalm 107:42

Emwa ẹmwata miẹn ọna, iran kegha ghọghọ sokpan, a keghi gue emwa dan hia unu.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 21:1

Ẹko ọba rhiẹnrhiẹn, Nọyaẹnmwa, rhunmwuda, wẹ rhie ẹtin ne ẹẹn. Rẹn sẹ ọyẹnmwẹ, rhunmwuda, wẹ rhie akhọnmiotọ ne ẹẹn.

Psalm 31:18

Gue avbe ọhọn ohoghe ni unu iran ni tọn egbe mu kevbe ni hio. Iran ni ye ukpe iran sakan avbe emwa ẹmwata.

Psalm 44:20

Adeghẹ te ima dobọ Osanobua mwa ne a ga yi, ma na ya gha na erhunmwu ghe ẹbọ ẹrrẹe,

Aizaia 19:18

Ọ gha sẹ ẹghẹ ne a kha na, a gha zẹ ẹvbo ivbi e Hibru vbe okpẹvbo Igipt isẹn. Emwa ni rre evba nii ghi gha ya eni e Nọyaẹnmwa ne Oghodua vẹn ihẹn. A ghi gha tie okpa vbe uwu avbe okpẹvbo nii, “Ẹvbo Owẹn.”

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Aizaia 65:16

Ọmwaikọmwa ne ọ ghi nọ afiangbe vbe otọe nii, Osanobua ẹmwata ọ re ọ ra wẹ, ne ọ fiangbe irẹn. Ọmwaikọmwa ne ọ vbe vẹn ihẹn eni Osanobua ẹmwata nii ọ re ọ ra vbe ya vẹn ọẹn. Orueghe ọghe ẹghẹ ne ọ gberra gha fo, a ghi vbe mianmian ẹn.”

Jerimaia 18:21

Sokpan, banbanna nian Nọyaẹnmwa gie ohan gbele ivbi iran an, gie okuo gbele iran. Gie ọdọ wulo avbe ikhuo ni rrọọ, kevbe emọ. Gie emianmwẹ gbele avbe ikpia ni rrọọ, ne avbe igbama ni rrọọ wulo ye okuo.

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Hibru 6:13

Ẹghẹ ne Osanobua na ve Ebraham emwi ọ keghi yan wẹ, rẹn gha ru vbene irẹn ve. Ugbẹn vbe a miẹn wẹ, ọmwa ne ọ kpọlọ sẹ irẹn i ghi rrọọ, ọ keghi ye eni egbe ẹre yan nene eyan.

I Samuẹl 23:17

E Jonatan keghi tama rẹn wẹẹ, “Ghe gie ohan mu ẹẹn, e Sọl ne erha mwẹ i ra sẹtin ru uẹ emwirhọkpa, U gha rriọba vbe Izrẹl, mẹ ghi gha re ne ọ zẹ diake uwẹ zẹ vbene erha mwẹ tobọ ẹre wa vbe rẹn ẹsẹse.”

I Samuẹl 24:20

Banbanna nian, aro mwẹ dae nẹ wẹ u gha rriọba vbe Izrẹl kevbe wẹ arriọba na gha wa gha rre obọ ruẹ khian.