Psalm 63:1 - Edo Bible (E Baibol Ẹdo) Version 1996

¹ Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

Psalm 63:1 ပူးပေါင်းရင်းမြစ်များ

II Samuẹl 15:28

Vbe banbanna nian, I gha yakọ vbe ehe ne a na fian ẹzẹ rra vbe uwu ẹgbo vbe u te gie uhunmwu gun mwẹ!”

I Krọnikol 16:14

E Nọyaẹnmwa ọrọre Osanobua mwa, iyi ẹre, ọghe otọ agbọn hia nọ.

Job 8:5

Sokpan, banbanna nian, fiwerriẹ ne u rinmwian Osanobua Oghodua.

Psalm 118:28

Wẹ ọrọre Osanobua mwẹ mẹ vbe rhie ekpọnmwẹ ne uẹn, I gha na iyẹn ukpọlọmwẹ ruẹn.

Psalm 119:81

Egbe wa wọ mwẹ Nọyaẹnmwa, ne I ya diakhẹ ruẹ ne u do miẹn mwẹ fan, I mu ẹtin yan ẹmwẹ ruẹn.

Psalm 143:10

Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

Psalm 143:6

I viọ obọ mwẹ da odukhunmwu na erhunmwu ghe ruẹ, ovbamẹ ruẹn gbe ekhọe mwẹ, zẹ vbe otọe ne ọ kae.

Psalm 31:14

Sokpan, Nọyaẹnmwa, wẹ ọ re I mu ẹtin yan. Wẹ ọrọre Osanobua mwẹ,

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Psalm 5:3

U ghi họn urhu mwẹ vbe owiẹwiẹmwọkpa ovẹn gha yan rre, I gha na erhunmwu mwẹ, I ghi mudia khẹ ewanniẹn ruẹn.

Psalm 78:34

Ọ gha gbele eso vbe uwu iran, nekpa ghi zẹgiẹgiẹ lẹ bu ẹre rre, iran ghi ro iro fi uyinmwẹ werriẹ, iran ghi gha na erhunmwu akekhọerre ghe ẹre.

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Psalm 91:2

gha sẹtin tama rẹn wẹẹ, “Wẹ ọrọre ne ọ gbinna mẹ kevbe ugue mwẹ wẹ ọrọre Osanobua mwẹ ọmwa ne I mu ẹtin mwẹ yan.”

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Ẹksọdọs 17:3

Sokpan ohanmwẹ amẹ kegha kakabọ gbe emwa nii, iran na gha gui ẹzọ Mosis. Iran wẹẹ, “Vbọzẹ ne u na hẹ ima ke Igipt ladian? te u wẹ ne u do ya ohanmwẹ amẹ gbele ima an ra, ke emọ kevbe emwirri?”

Itan 8:17

I ho ẹmwẹ iran ni ho ẹmwẹ mwẹ, ọmwaikọmwa ne ọ gualọ mwẹ gha miẹn mwẹ.

Ihuan Ne Ọ Sọọ Ihuan Hia 5:8

Wa yan ma mwẹ wa ni ikhuo e Jerusalẹm wẹ wa gha miẹn enida mwẹ, wa gha tama rẹn wẹ, a rhie aro ye odẹ ya mwẹ rrie.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 35:7

Ekhae ne ọ tọn gha khian odighi amẹ, ẹzẹ gha vbe vuọn otọe ne ọ kae. Ehe ne avbe edi te ka ye yi, avbe ẹrrierrie kevbe igiawẹigbotọ gha vuọn rẹn.

Aizaia 41:18

I gha gie ẹzẹ gha lẹ vbe oke ni dihoi rua ivbi uhunmwu ẹzẹ gha vbe gha lẹ vbe uwu iya I gha ye ato khian avbe odighi amẹ.

Jerimaia 31:1

E Nọyaẹnmwa khare wẹẹ, “Ẹghẹ dee ne I gha na gha re Osanobua ẹwae ne ọ rre Izrẹl hia, iran ghi vbe gha re emwa mwẹ.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Matiu 12:43

“Orhiọn dan gha kpao vbe uwu ọmwa rre, ọ ghi gha zozo lele ehe ne ọ mu ohioro hia khian adeghẹ ọ gha miẹn ehe yakọ yi, adeghẹ ọ ma ghi miẹn,

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iyẹn ne ọ Maan Ọghe Jọn 7:37

Ikpẹdẹ ne okiekie ọghe emwiukpo ọrọre ogiete ehia. Vbe ẹdẹ ni zẹẹ, Jesu keghi kpaegbe mudia, ọ na davan wẹẹ, “Ọmwaikọmwa ne ohanmwẹ amẹ gbe, wẹ ne ọ bu mwẹ gha dee ne ọ do wọn. (

I Samuẹl 22:5

E Gad ne akhasẹ keghi bu e Devid gha dee, ọ tama rẹn wẹẹ, “Ghẹ ghi di emwa ya, gha rrie otọ e Juda ọwarọkpa.” Ẹre Devid na kpao, ọ na gha rrie ẹgbo Hẹrẹt.