Psalm 62:8 - Edo Bible (E Baibol Ẹdo) Version 1996

⁸ Wa ne emwa mwẹ, wa mu ẹtin yan Osanobua vbe ẹghẹ hia, wa ta enegbe uwa hia ma rẹn, rhunmwuda rẹn ọrọre ugue ne ima.

Psalm 62:8 ပူးပေါင်းရင်းမြစ်များ

Job 13:15

Idaehọ mwẹ fo nẹ, rhunmwuda ọnii, ẹ i ghi mwẹ asa a deghẹ Osanobua gbe mwẹ uan. I gha gui ene unumwẹ ma rẹn.

Psalm 102:1

Rhie ehọ ye erhunmwu mwẹ Nọyaẹnmwa, vbe họn urhu mwẹ vbe I nọ iyobọ.

Psalm 142:2

I gui ẹzọ mwẹ hia ma rẹn, I talọ emwi ne ọ ru mwẹ hia ma rẹn.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 3:4

I kpe tie Nọyaẹnmwa ne iyobọ. Ọ keghi wanniẹn mwẹ ẹmwẹ, ke oke ne ọ huanrẹn ọghọe gha dee.

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Psalm 42:4

I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:2

rhunmwuda ọnii, agbọn gha rhe kpẹngiẹn ighe te avbe oke nekhua werriẹ ku uwu odin okun, ohan i ra mu mwa.

Psalm 71:7

Ne a ghe ru, ọ re ẹdagbọn mwẹ wa khin, ne emwa nibun. Rhunmwuda, wẹ ọrọre ugue mwẹ nọ wegbe.

Psalm 91:2

gha sẹtin tama rẹn wẹẹ, “Wẹ ọrọre ne ọ gbinna mẹ kevbe ugue mwẹ wẹ ọrọre Osanobua mwẹ ọmwa ne I mu ẹtin mwẹ yan.”

Psalm 94:22

Sokpan, e Nọyaẹnmwa ọ re ọ gbinna mẹ, Osanobua mwẹ ọ re ọ degue mwẹ.

Itan 14:26

A ya ọghọ ne Nọyaẹnmwa, ekhọe kevbe ẹkun ne ọ sotọ ọ re ọ rhie ne igiowa ọmwa.

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Aizaia 26:4

Mu ẹtin yan e Nọyaẹnmwa ẹdẹdẹmwẹdẹ rẹn gha vbe gha degue ruẹ vbe ẹghẹ hia.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

I Jọn 2:28

Erriọ nọ, wa ne ivbi mwẹ, wa mudia vbe uwu irẹn, ne afianma ghẹ fian ima vbe ẹdẹ ne ọ gha ya egbe ladian, ne ima ghẹ ya ya ekhọe lẹre hin ehe ne ọ ye rre, vbe Ẹdẹ ne ọ gha rre.

I Samuẹl 1:15

Rẹn keghi wanniẹn wẹẹ, “Ẹ i re erriọ enọwanrẹn, I ma da ayọn, I ma he vbe da ayọn usin. Oya ọ re ọ ru mwẹ, ọ re I na gha na erhunmwu, I keghi mu ẹmwẹ enegbe mwẹ hia ma e Nọyaẹnmwa.