Psalm 62:4 - Edo Bible (E Baibol Ẹdo) Version 1996

⁴ Te uwa ho ne uwa siẹe guọ, hin ehe uyi ẹre rre kẹkan; ohoghe ne a ta ghi wa gha yẹ uwa wa ghi gha na erhunmwu, vberriọ, wa ye otọ ẹko tie ihẹn ne ẹn.

Psalm 62:4 ပူးပေါင်းရင်းမြစ်များ

Psalm 119:163

Te ohoghe ye ẹko hu mwẹ rhunmwuda, ọ sọnnọ mwẹ, sokpan, uhi ruẹ yẹ mwẹ.

Psalm 28:3

Ghẹ bu abe gbe mwẹ ba avbe emwa dan, ba iran ni ru emwi dan. Avbe iran ne akọn giẹ iwu rriara.

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Psalm 51:6

Ekhọe ne ọ diae kevbe ẹmwata; ọ re uwẹ ho, ya ẹwaẹn ruẹn vuọn ekhọe mwẹ.

Psalm 52:3

U ho ẹmwẹ emwi dan sẹẹ emwi esi, kevbe ohoghe sẹẹ ẹmwata.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Itan 13:5

Ohoghe ne a ta i yẹ emwa ẹmwata, sokpan, ẹmwẹ ne unu emwa dan, ne ọ mu ekhue kevbe ne ọ fa ọmwa ran ọ re nọ.

Aizaia 30:13

Wa rri abe. Te uwa yevbe ekẹn ne ọ yo ne ọ wa va eva ke odukhunmwu do sẹ otọ. Wa gha de rẹnkhẹn uan. vbe udomwurri.

Hozia 7:3

E Nọyaẹnmwa khare wẹẹ, “Emwa gha yo uma dan ne iran si ya rẹrẹ ọba kevbe ekhaẹmwẹ ọnrẹn.

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Matiu 22:15

Avbe Farisi keghi ya si uma ne iran do ya ọta ne a nọ gualọ Jesu ẹmwẹ ne unu.

Matiu 22:23

Ẹdẹrriọ zẹẹ ọre avbe Sadusi eso vbe bu Jesu rre, (Iran na ọre ọ tae ighe a i rhiọrre vbe idin.)

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Iyẹn ne ọ Maan Ọghe Luk 11:39

Rhunmwuda ọnii Nọyaẹnmwa tama rẹn wẹẹ, “U ma miẹn, wa ne Farisi ghi gha kpe iyeke ukpu kevbe ọkpa, sokpan uwu uwa vuọn ne ọkpankpan kevbe emwi dan.

Iyẹn ne ọ Maan Ọghe Luk 20:20

Iran keghi rhunmwuda ọnii gha khẹ ẹghẹ ne ọ kere. Iran keghi rhie igho ne emwa eso ne iran mu akpa ọmwata yọ bu Jesu gha khian ya gualọ ẹre ẹmwẹ ne unu ne iran miẹn ehe na rhie ẹre yan asẹ kevbe ẹtin Ne ọ khaemwisẹ obọ.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Ebe ne Pọl gbẹẹn gie emwa Rom 7:22

Sokpan otọ ẹko mwẹ ghi gha sẹ ọyẹnmwẹ ye uhi Osanobua.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.