Psalm 62:12 - Edo Bible (E Baibol Ẹdo) Version 1996

¹² Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Psalm 62:12 ပူးပေါင်းရင်းမြစ်များ

I Krọnikol 29:12

Obọ ruẹ ọ re ẹfe kevbe uwa hia ke rre, ẹtin kevbe iwegbe ruẹ ọre u ya kha yan emwi hia. Wẹ sẹtin ye ọmwaikọmwa khian nọkhua kevbe nọ wegbe.

Job 33:14

A gha rhe miẹn wẹ kugbakẹghẹrẹ ọ re Osanobua ya guan; a i miẹn ne ọ rhie ẹmwẹ ne ọ ta ẹe.

Job 34:11

Te irẹn san emwa ẹse emwi ne iran ru, ọ ghi vbe gha ru iran emwi ne ọ maa iran.

Job 37:23

Ẹtin Osanobua kpọlọ sẹ vberriọ wẹ, ma i sẹtin sikẹ ọre, odẹ ẹmwata kevbe uhunmwu ẹmwẹ, ọre ọ ya gu emwa lo.

Job 9:19

Te imẹ ghẹ ghi ze vbe udu ra? Ne I ze vbe udu ma Osanobua? Te I gha mu ẹẹn ye iko ra? De ọmwa ne ọ ra si ẹe gha khian yi?

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 103:8

E Nọyaẹnmwa mwẹ itohan ọ mwẹ aho ẹmwẹ ọmwa, ẹ i rherhe mu ohu, ọ vuọn ne aho ẹmwẹ ọmwa ne ẹ i beghe.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Itan 24:12

U sẹtin kha wẹ ọ ma kan ruẹn, sokpan Osanobua rẹnrẹn, ọ vbe ghe ekhọe ruẹ. Ọ wa rhie aro lele uẹ, ọ rẹnrẹn, ọ gha vbe ha ẹre nuẹn zẹ vbene u vbe ru.

Jerimaia 32:19

Wẹ ru emwamwa ẹwaẹn, u keghi vbe winna iwinna ẹtin, u bẹghe emwi ne emwa hia ru, u keghi vbe hae ne iran zẹ vbene uyinmwẹ iran khare.

Ezikiẹl 18:30

“Mẹ ne Nọyaẹnmwa ne Udazi ọ re ọ tama uwa ne ivbi Izrẹl na nian wẹ emwi ne dọmwadẹ ọghọe vbe uwu uwa ru ọ re I ra ya bu ohiẹn ọnrẹn. Wa rhie obọ hin emwi dan ne uwa ru hia rre, ne uwa ghẹ gie orukhọ ne uwa ru gbe uwa uhunmwu.

Ezikiẹl 33:20

Wa ne ivbi Izrẹl khare wẹẹ, ‘Emwi ne I ru ma gba.’ Emwi ne uwa ru ọ re I ra ya bu ohiẹn uwa.”

Ezikiẹl 7:27

Ọba gha khiẹ, ovbi ọba gha rhie aro hin rre, emwa ghi gha guọ ba ẹmwẹ ohan. I gha rria uwa ikhi ye emwi ne uwa ru hia, I ghi vbe bu ohiẹn uwa zẹ vbene uwa vbe ya bu ohiẹn ẹrrẹe. Ọna gha rhiema ighe mẹ ọrọre Nọyaẹnmwa.”

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Ebe ne Pọl gbẹẹn gie emwa Rom 2:6

Rhunmwuda Osanobua gha hae ne dọmwadẹ ọghọe, zẹ vbe iwinna ne ọ winnaẹn.

I Kọrinti 3:8

Alughaẹn ẹ i rrọọ ne nọ kọe kevbe ne ọ gbe amẹ khakhae. Osanobua gha san dọmwadẹ ọghọe ẹse zẹ vbe ne ọ winnaẹn.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Ẹfisọs 6:8

Wa yerre wẹ Nọyaẹnmwa gha san edọmwadẹ ọghọe ẹse ye iwinna ne ọ winnaẹn, ọre ọviẹn nọ ra ẹ i re ọviẹn.

Kọlose 3:25

Ọmwa ne ọ zẹ iba, ọmwa ne ọ khọn rẹn wẹ ne ọ gha khin, a gha vbe ha ẹre osa iba ne ọ zẹe, rhunmwuda obọ ọkpa ọre Osanobua ya mu emwa hia.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.

Arhie Maan 22:12

Jesu wẹẹ, “Danmwehọ, I dee ẹgiẹgiẹ! I gha viọ emwi ne I ya san ẹse rre ne I viọ ne dọmwadẹ ọghọe vbene iwinna rẹn khare.