Psalm 62:10 - Edo Bible (E Baibol Ẹdo) Version 1996

¹⁰ Ghẹ mu ẹtin yan uyimwẹ ika ghẹ rhie aro ye ere vbe oyi ne a rha, a deghẹ ẹfe ruẹ vbe muan yọ, ghẹ mu ẹtin yan rẹn.

Psalm 62:10 ပူးပေါင်းရင်းမြစ်များ

Job 20:19

rhunmwuda ne ọ na yan gbe iran ọ na vbe gha zẹ ivbiogue kpokpo ọ na ya iwegbe mu owa ne ọmwa ọvbehe bọe.

Job 20:29

Erriọ ọre ẹmwẹ ẹdẹ agbọn emwa dan ye. Ẹmwẹ ẹdẹ agbọn ne Osanobua ghae khẹ iran.”

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 4:3

Wa yerre wẹ, e Nọyaẹnmwa zẹ ọmwa ẹmwata ya ru ọghọe nẹ, ọ vbe họn urhu mwẹ vbe I gha kpe tie ẹre.

Psalm 49:6

Kevbe avbe emwa dan ni mu ẹtin yan ẹfe ne iran na vbe ya ẹfe iran ghagha.

Psalm 52:7

“Wa ghe ẹre ighẹ okpia ne ọ ma lẹ gbinna Osanobua, sokpan ọ keghi mu ẹtin yan ẹfe ẹre nibun. Ọ na wẹ uyinmwẹ dan rẹn ra ya gbe ẹkun sẹ otọ.”

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.

Aizaia 30:12

Sokpan, vbenian ọ re Osanobua nọhuanrẹn ọghe Izrẹl khare, “Wa fi iyeke gbe ẹmwẹ ne I tama uwa, wa na mu ẹtin yan ọkhọ kevbe erẹrẹ ọghe uwa.

Aizaia 40:15

Uhunmwu ẹvbo hia ma sẹ emwi rhọkpa vbe odaro e Nọyaẹnmwa, iran ma gberra ikpẹ amẹ ọkpa, te avbe otọe ne amẹ lẹga ni rre urria ye hogha zẹ vbe ikpekhae ọkpa.

Aizaia 40:17

Avbe uhunmwu ẹvbo ma sẹ emwi vbe aro ẹre.

Aizaia 47:10

“Te u wa gha ya obọ so udu ye iba ne u zẹ u na gha ro wẹ ọmwa ne ọ bẹghe ruẹ i rrọọ. Ẹwaẹn kevbe irẹnmwi ruẹn keghi ya a bibi odẹ u keghi tama egbe ruẹ wẹẹ, ‘Mẹ ọrọre Osanobua ọmwa ne ọ yevbe mwẹ i rrọọ.’

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Jerimaia 13:25

Rẹn taa ẹe nẹ wẹ ọna ọ ra mian uwa. Ọna ọ re ọ wẹ rẹn ra ru uwa ẹre rhunmwuda, wa mianmian ẹẹn nẹ, wa na gha lele avbe ẹbọ ohoghe.

Jerimaia 17:11

Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.

Iyẹn ne ọ Maan Ọghe Mak 10:23

Jesu keghi ghe avbe erhuanegbe ẹre lẹga, ọ tama iran wẹẹ, “U miẹn vbe ọ gha ba so emwa ni fe hẹ iran te do la Arriọba Osanobua!”

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.