Psalm 62:1 - Edo Bible (E Baibol Ẹdo) Version 1996

¹ I hẹko ya izin egbe mudia khẹ Osanobua ne ọ do miẹn mwẹ fan. Rẹn okpa kẹkan ọre I mu ẹtin yan.

Psalm 62:1 ပူးပေါင်းရင်းမြစ်များ

I Krọnikol 25:1

E Devid ne ọba kevbe avbe ekaolotu avbe Livai keghi zẹ avbe uniẹn e Livai na ne iran gha ru ugamwẹ; ena ọ re Asaf, Heman kevbe Jedutun. Iran na ghi ta uhunmwu ne Osanobua gie vbene iran gha na gha kpe akpata kevbe ukusẹ lele ẹe. Eni iran ne a wẹ ne ọ gha ru ugamwẹ na ọ re ena khin, vbene dọmwadẹ oka na vbe mwẹ egbe ugamwẹ ne iran ru:

I Krọnikol 25:3

Iran ehan ne ivbi Jedutun ne ikpia, ighẹ Zeri, e Jesiaia, e Simẹi, e Hasiabaia kevbe erha iran ọ re ọ gha gbearoghe iran, iran ghi gha ta vbene Osanobua kha hẹ, vbene iran kpe akpata lele ẹe deba ihuan urhomwẹ kevbe ekpọnmwẹ ghe Nọyaẹnmwa.

Psalm 121:2

Iyobọ mwẹ gha ke ehe ne Nọyaẹnmwa ye rre, ọmwa ne ọ yi ẹrinmwi kevbe agbọn.

Psalm 123:2

Zẹ vbene ọguọmwadia ye egbe yan arowa ẹre, zẹ vbene ọguọmwadia okhuo ye egbe yan aro wa ẹre nokhuo, erriọ ma khian gha ghe ruẹ obọ Nọyaẹnmwa Osanobua mwa a te do miẹn wẹ u tohan mwa.

Psalm 25:5

Ma mwẹ re ne I gha ya ẹmwata ruẹ ru emwi rhunmwuda, wẹ ọ re Osanobua mwẹ, ne ọ miẹn mwẹ fan. I mu ẹtin yan ruẹn vbe ẹghẹ hia.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 33:20

Ma mu ẹtin mwa yan e Nọyaẹnmwa, rẹn ọrọre ne ọ degue mwa, kevbe ne ọ yi ima obọ.

Psalm 37:39

E Nọyaẹnmwa ọ re ọ miẹn ẹmwata fan ọ ghi degue iran vbe ẹghẹ orueghe.

Psalm 37:7

Zin egbe ne u rhie ẹghẹ ne Nọyaẹnmwa ya winna. Ghẹ si osi ye ẹmwẹ iran ne agbọn maa rẹn, ra ye emwa ne iro dan ne iran zẹ dunna na.

Psalm 39:1

Mẹ khare wẹẹ, “I gha ya ẹwaẹn gha ru emwi, mẹ i ra vbe gie aranmwẹ mwẹ ya mwẹ ru orukhọ mẹ i ra vbe guan ẹmwẹ rhọkpa vbe avbe emwa dan ra sikẹ mwẹ.”

Psalm 40:1

I hẹko ya izin egbe mudia khẹ iyobọ e Nọyaẹnmwa rẹn keghi danmwehọ, ọ kevbe họn urhu eve mwẹ.

Psalm 62:2

Rẹn okpa kẹkan ọre ọ degue mwẹ ọ vbe miẹn mwẹ fan obọ ọmwa i ra gba mwẹ ẹdẹdẹmwẹdẹ.

Psalm 65:1

Osanobua, ọ kere ne ima gha rho ruẹ vbe Zaiọn ne ima gha mu eyan ne ima yan ma ruẹn sẹ.

Psalm 77:1

I kakabọ datu tie Osanobua I kakabọ datu, ọ keghi họn urhu mwẹ.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Jerimaia 3:23

Avbe ẹbọ emwa ni ma yayi ne ima gha ghoo, vbe avbe uhunmwu oke, ma zẹdẹ yima obọ hiehiere. Ọ ghe Nọyaẹnmwa ne Osanobua mwa okpa ọ re iyobọ ke sẹ Izrẹl obọ.

Eve Orriara 3:25

E Nọyaẹnmwa ru emwa ni mu ẹtin yan rẹn hia ẹse

Eve Orriara 3:38

Ke ne ọ maa, kevbe ne ọ khọ, ọ gha gie ọkpa, ọ re a na ru ẹe.

Jems 5:7

Rhunmwuda ọnii, wa ne etẹn mwẹ, wa ziengbe khẹ ẹghẹ ne Nọyaẹnmwa gha ya rre. Wa ma miẹn vbe ne ọwẹe ziengbe hẹ vbe ọ gha khẹ ne otọ ẹre mọ ọmọ esi ladian. Ọ ghi hẹko, ziengbe khẹ amẹ ne okaro kevbe ne okiekie ne ọ rhọ.