Psalm 61:7 - Edo Bible (E Baibol Ẹdo) Version 1996

⁷ Gi ẹe gha khaemwisẹ vbe Siria ruẹ ẹdẹdẹmwẹdẹ. Osanobua ya iho ruẹ ne ẹ i beghe, kevbe aguobọmwa ruẹn degue ẹre.

Psalm 61:7 ပူးပေါင်းရင်းမြစ်များ

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

Gẹnẹsis 32:10

Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

II Samuẹl 7:26

Usi ruẹ gha kpọlọ ẹdẹdẹmwẹdẹ, emwa ghi vbe gha kha wẹẹ, ‘E Nọyaẹnmwa ne Oghodua ọrọre Osanobua Izrẹl.’ U gha vbe gie uniẹn arriọba mwẹ gha rrọọ ẹdẹdẹmwẹdẹ.

Psalm 21:5

Uyi ẹre kpọlọ rhunmwuda iyobọ ruẹ, u rhie otiti kevbe oyọnyọn egie ne ẹẹn.

Psalm 40:11

Nọyaẹnmwa, mẹ rẹnrẹn ighe wẹ i ra dobọ itohan ruẹn ghe mwẹ yi. Ahoẹmwọmwa kevbe aguobọmwa ọwuẹ, ọ re ọ khian rhie mwẹ lẹre vbe ne ai na mwẹ ẹbe.

Psalm 41:12

U gha yọmwẹ obọ rhunmwuda, emwi ne ọ gbae ọ re imẹ ru. U gha rhie mwẹ ye ehe ne u ye ẹdẹdẹmwẹdẹ.

Psalm 43:3

Gie uwanmwẹ ruẹn, kevbe ẹmwata ruẹ, ne iran gha su mwẹ khian ne iran dọlegbe rhie mwẹ gha die Oke Zaiọn oke ne ọ huanrẹn ruẹn. Kevbe Ọgua Osa ruẹ ehe ne uwẹ dia.

Psalm 57:3

Rẹn gha wanniẹn ke ẹrinmwi rre ọ ghi miẹn mwẹ fan, ọ gha khọn iran ni kpokpo mwẹ muotọ. Osanobua gha rhie aho ẹre ne ẹ i beghe, kevbe aguobọmwa ma mwẹ.

Itan 20:28

Ọba gha ye gha rre asẹ la inu ẹghẹ ne asẹ ọre ya gha re ne ẹ i ru ero, ọghe ẹmwata, kevbe ne ọ ya obọ okpa mu emwa hia.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Iyẹn ne ọ Maan Ọghe Luk 1:33

Rẹn gha rriọba yan ivbi e Jekọb ẹdẹdẹmwẹdẹ, arriọba ẹre ẹ i ra mwẹ ufomwẹ.”

Hibru 9:24

Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.