Psalm 61:2 - Edo Bible (E Baibol Ẹdo) Version 1996

² Vbe uwu idaehọ fo, ke a khian rrei vbe owa, ọ re I na kpe tie ruẹ na! Rhie mwẹ gha rriẹ ehe ne a lẹre yi miẹn uhunmwu,

Psalm 61:2 ပူးပေါင်းရင်းမြစ်များ

Psalm 142:3

Ọ gha kẹ ekherhe ne I wa fọrhiọn, rẹn rẹn emwi ne I gha ru. Avbe eghian mwẹ khuẹn ifi khẹ mwẹ, vbe odẹ ne I la khian.

Psalm 143:4

Rhunmwuda ọnii, te I ghi ra zẹ ukpọn obọ, egbe emwi hia wa wọ mwẹ fẹẹrẹ.

Psalm 17:1

Nọyaẹnmwa, danmwehọ erinmwian ne I rinmwian wẹ, ne a bu ohiẹn ẹmwata mẹ; zẹ ye utumwẹ ne I tu ne I ya nọ iyobọ, danmwehọ erhunmwu akekhọerre mwẹ.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 18:46

E Nọyaẹnmwa rrọọ, wa rho e nọhuanrẹn mẹ, wa mu ẹmwẹ u kpọlọ mwẹ ọnrẹn go, ighe Osanobua nọ miẹn mwẹ fan.

Psalm 27:5

Ọ gha degue mwẹ vbe ẹghẹ ibaro ọ gha rhie mwẹ lẹre vbe uwu Ọgua Osa ẹre, vbe ne ai na mwẹ ẹbe. Ọ ghi vbe gie ẹkun sẹ mwẹ otọ vbe uhunmwu okuta ne ọ yo.

Psalm 40:2

Ọ si mwẹ ke uwu uye dan ladian hin uwu odin amẹ ekhae ne ọ gbe ọmwa an. Ọ mu mwẹ mudia yan uhunmwu okuta vbe ne ai na mwẹ ẹbe, ọ keghi gbe mwẹ ẹkun sẹ otọ.

Psalm 42:6

Te udu mwẹ ghi ra kpaẹn vbe ehe ne I na rre iwe rhunmwuda ọnii, mẹ keghi werriẹ iro mwẹ da irẹn. Ọ gie ubimwẹ amẹ ọghe akhiẹ gie orhiọn mwẹ. Ke uhunmwu Oke Hẹmọn kevbe Oke Miza gha dee.

Psalm 43:5

Vbọzẹ yi ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ Osanobua mwẹ.

Psalm 55:5

Ohan kevbe uguọmwẹ dobọ mu mwẹ, ohan ọyunnuan mu mwẹ guẹ.

Psalm 62:2

Rẹn okpa kẹkan ọre ọ degue mwẹ ọ vbe miẹn mwẹ fan obọ ọmwa i ra gba mwẹ ẹdẹdẹmwẹdẹ.

Psalm 62:6

Rẹn okpa kẹkan ọ re ọ degue mwẹ ne ọ vbe miẹn mwẹ fan obọ ọmwa i ra gha mwẹ ẹdẹdẹmwẹdẹ.

Psalm 77:3

I ghẹ ghi mu ẹmwẹ Osanobua roro, I ghi gbe igunma, I ghẹ ghi rria ẹre vbe ekhọe mwẹ, ẹtin ghi fo mwẹ.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 54:11

E Nọyaẹnmwa khare wẹẹ, “E Jerusalẹm wẹ ne ẹvbo ne u sẹsẹ kevbe ne egbe wọre. Vbe ne a i na vbe miẹn ne ọ fu ruẹ ẹko rre, I gha ya okuta ighobioye dọlegbe gbe ẹyotọ ruẹ.

Iyẹn ne ọ Maan Ọghe Luk 22:44

Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.