Psalm 60:7 - Edo Bible (E Baibol Ẹdo) Version 1996

⁷ Ọghomwẹ ọre Giliad khin, kevbe Manasẹ ba ẹre. Ifreim ọrọre ẹrhu mwẹ, e Juda ọrọre ọkpọ ọba mwẹ.

Psalm 60:7 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

I Krọnikol 12:19

Ivbiyokuo eso vbe ẹwae Manasẹ keghi ya deba e Devid vbe ẹghẹ ne ọ na lele ivbi e Filistin ladian vbe iran ra ya gu e Sọl gbinna. Vbene ẹmwata, ọ ma ru iyobọ ne ivbi e Filistin rhunmwuda ohan mu avbe ọba iran wẹ ọ gha fi iran ne Sọl ne arowa ẹre nẹdẹ, iran na wẹ ne ọ werriegbe gha rrie Ziklag.

Psalm 108:7

Osanobua guan ke uwu owa ẹre ne ọ huanrẹn rre wẹẹ, “Vbe uwu akhọnmiotọ, I gha ghae Siẹkẹm, I ghi vbe ghae Iya Sukọt ne emwa mwẹ.

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”

Jọsua 13:31

Obọ ọkpa vbe Giliad kevbe rrọọ, do deba Astarrọt kevbe Ẹdrẹi, avbe okpẹvbo ni rre arriọba Ọg vbe Basian. A keghi viọ ena ne obọ ọkpa vbe ẹgbẹe ivbi e Makeẹ ne ovbi Manasẹ.

Jọsua 17:1

Rhunmwuda ighẹ Manasẹ ọrọre ovbi e Josẹf ne ọdiọn, a keghi fian vbe otọe ni mu ne ẹgbẹe Manasẹ, e Makiẹ ne erha Giliad ọ re ọ gha re ovbi e Manasẹ ne ọdiọn, ọ kevbe re ovbiyokuo, rhunmwuda ọnii, a keghi mu Giliad kevbe Basian ne ẹẹn.

I Samuẹl 28:2

E Devid keghi wanniẹn wẹẹ, “Wẹ rẹnrẹn wẹ ọguọmwadia ruẹ ọ re I khin, wẹ tobọ gha vbe miẹn emwi ne I gha ru.” Akis keghi kha wẹẹ, “Ọ wa maa, I gha ya ẹe ru ne I ya khẹ egbe mwẹ ẹdẹdẹmwẹdẹ.”