Psalm 60:3 - Edo Bible (E Baibol Ẹdo) Version 1996

³ U gie avbe emwa ruẹn rrioya ẹsẹsẹmwẹse; te ima ghi ye owẹ ba otọ ku khian vbe ọmwa ne ayọn gbe.

Psalm 60:3 ပူးပေါင်းရင်းမြစ်များ

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Psalm 71:20

U si ọlọghọmwa kevbe usẹ yọmwẹ egbe, sokpan, u gha rhie ẹtin mwẹ dọlegbe mẹ, u gha mu mwẹ lẹ ne idin.

Psalm 75:8

E Nọyaẹnmwa mu ukpu ọkpa mwẹ obọ ọ vuọn ne ayọn nọ wegbe ọghe izohu ẹre, ọ sa ẹe ladian avbe emwa dan keghi dae, iran dae ya sẹ ototọ ukpu fẹẹrẹ.

Psalm 80:4

Vbe ọ gha ye kpee sẹ hẹ yi, Nọyaẹnmwa Osanobua Ne Oghodua? U gha mu ohu erhunmwu avbe emwa ruẹn ra?

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Psalm 85:5

Te u ra wa gha mu ohu ghe ima ẹdẹdẹmwẹdẹ ra? Ohu ruẹ i ra vbe fo ẹdẹ ra?

Psalm 89:39

U so ile ne u gu ọguọmwadia ruẹ ta gọ nẹ, u keghi fi ẹde ẹre fi otiku.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Jerimaia 25:15

E Nọyaẹnmwa ne Osanobua Izrẹl keghi tama mwẹ wẹẹ, “Ghe ukpu ayọn ne ọ vuọn ne ohu mwẹ vbe emwa na, mu ẹẹn bu avbe uhunmwu ẹvbo ne I giọ bu hia gha khian, ne u ya ne iran da vbọ.

Eve Orriara 4:21

Wa gha giẹ ivbi Idom kevbe Uz; wa gha ghọghọ vbe ẹghẹ ne uwa ya sẹtin, ọkhọ ne ọ ra rruan uwa vbe dee. Wa tobọ uwa gha vbe dobidokpannọ wa ghi bannọ uan vbe uwu ekhue.

Daniẹl 9:12

U ru avbe emwi ne u khare ighe u gha ru ima kevbe iran ni mwẹ asẹ vbe uhunmwu ima re. U rrii e Jerusalẹm oya ne obọ da ẹe sẹe vbene u he ru ẹvbo ọvbehe ne ọ rhirhi a gha khin vbe otọ agbọn re.

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.

Arhie Maan 18:16

Iran ghi vbe kha wẹẹ, “Okokokoo, Ọ mu ohan gbe o ighẹ emwi ne ẹvbo nọkhua nii miẹn! Eto ovbiohuẹ kevbe ododo ibakpa ọre ọ te ya haan, ọ ghi silo emwi itegbe ọghe igoru, okuta ighobioye, kevbe ikpe ẹrọnmwọ ye egbe.