Psalm 60:1 - Edo Bible (E Baibol Ẹdo) Version 1996

¹ Osanobua, wẹ he ima nẹ, obọ ruẹ keghi vbe gba ima. U wa mobọ mu ohu ghe mwa sokpan, eban nian werriegbe bu ima rre.

Psalm 60:1 ပူးပေါင်းရင်းမြစ်များ

II Samuẹl 10:16

E Hadadezẹ ne ọba keghi gie ne a ya tie ivbi e Siria ni rre iyeke Ẹzẹ Yufretes nọkpa rre. E Siobak ne ọkaokuo e Hadadezẹ keghi viọ iran gha die Helam.

II Samuẹl 5:20

Ẹre Devid na gha rrie Baal Pẹrazim, ọ na khọn ivbi e Filistin muotọ vbe evba. Rẹn keghi kha wẹẹ, “E Nọyaẹnmwa lẹ avbe eghian mwẹ gha rrie zẹ vbe orogho.” Ọnii ọ zẹe ne a na tie eni evba nii e Baal Pẹrazim.

II Samuẹl 8:14

Ọ keghi bu agọ ivbiyokuo lele Idọm hia, emwa ni rrọọ kegha ga gie ẹe. E Nọyaẹnmwa keghi gie Devid gha khọnmiotọ vbe he hia.

II Samuẹl 8:3

Iyeke ọnii, obọ ẹre kevbe gba ọba ọghe Zeba ighẹ Hadadezẹ ne ovbi e Rehọb, vbe Hadadezẹ rrie odẹ Ẹzẹ Yufretes ehe ne ọ ra na ya dọlegbe kha ighẹ rẹn ọ yan otọe nii.

II Ọba 14:7

Amazaia keghi gbele ivbi iyokuo Idọm arriaisẹn igbe (10,000) vbe Iya Umwẹ ọ te khọn mu ẹvbo ne a tie ẹre Sẹla, ọ na gha tie ẹre Joktil ne a ye tie ẹre re do sẹ ẹdẹnẹrẹ na.

I Krọnikol 18:3

Vbe iyeke ọnii, e Devid keghi mu okuo gie Hadadezẹ ne ọba otọ e Siria ni rre Zọba vbe ọkpẹn otọ e Hama rhunmwuda, e Hadadezẹ keghi te gha ho ne ọ la odẹ uhunmwu e Yufretes la otọe ni do gha kha yan rẹn.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

II Krọnikol 25:11

Amezaia keghi ya ibaro okpia ye udinmwẹ viọ ivbiyokuo gha rrie Iya Umwẹ. Iran keghi khọn okuọ vbe evba,

Psalm 108:11

Te uwẹ gele he ima fua vbe ẹmwata ra? Wẹ i ra lele okuo mwa ladian ra?

Psalm 44:9

Sokpan, banbanna nian, wẹ he ima ye otọ nẹ, u na gie iran khọn miẹn ima otọ uma ghi lele ivbi iyokuo ima ghe usun ladian.

Psalm 59:1

Osanobua mwẹ miẹn mwẹ fan vbe obọ avbe eghian mwẹ degue mwẹ hin obọ iran ni gunmwẹ gbinna.

Psalm 59:11

Ghẹ gbele iran an Osanobua, ne avbe emwa mwẹ ghẹ ya mianmian, ya ẹtin ruẹn zagha iran an ne u khọn iran mutan, Nọyaẹnmwa ugue mwa.

Psalm 60:10

Te u gele wa he ima ye otọ ra? Wẹ i ghi ra lele iyokuo mwa ladian ra?

Psalm 74:1

Vbọzẹ ne u na sẹ ima rae vbenian yi Osanobua? U gha wa mu ohu ghe emwa ruẹn rhinrin ẹdẹ ra?

Psalm 79:5

Nọyaẹnmwa, u gha wa mu ohu ima rhinrin ẹdẹdẹmwẹdẹ ra? Ohu ruẹ gha wa gha giẹn khian zẹ vbe erhẹn ra?

Psalm 79:9

Yima obọ Osanobua ne u miẹn ima fan, fannọ ima yotọ ne u vbe ya orukhọ mwa bọ mwa rhunmwuda uyi ruẹ.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 80:3

Viọ ima werriegbe gha dee, Osanobua, rhie itohan ruẹn ma mwa a gha vbe miẹn ima fan.

Psalm 85:4

Viọ ima werriegbe rre Nọyaẹnmwa ọmiọnmwafan mwa ne u vbe dobọ ẹko nọ rhiae ruẹ ghe mwa yi.

Psalm 89:19

Vbe ẹghẹ ne ọ kpee fua, u tama eguọmwadia ruẹ ni guobọ ruẹ vbe aro umian wẹẹ, “Mẹ rhie iyobọ ne ovbiyokuo ne ọ hin usi nẹ I vbe mu ẹkete nii ne ọmwa ne I hannọ zẹ, vbe uwu avbe emwa nii nẹ.

Psalm 89:3

Wẹ khare wẹẹ, “I gu ọmwa ne I hannọ zẹ ta ile nẹ; I tama Devid ne ọguọmwadia mwẹ nẹ wẹẹ,

Psalm 89:38

Sokpan, ohu ọba ne u hannọ zẹ mu uẹn, u ke he ẹe ye otọ, u kevbe fi iyeke gbe ẹe.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Psalm 90:13

Vbe ohu ruẹ ghi ra kpee sẹ hẹ vbe otọ yi? Nọyaẹnmwa, tohan avbe eguọmwadia ruẹ.

Zẹkaraia 10:6

“I gha ru ẹe ne ivbi e Juda wegbe; I gha fannọ ivbi Izrẹl vbe irri, I gha tohan iran, I ghi viọ ehia werriegbe rri owa. Iran ghi do yevbe emwa ne I ma he ka he fua ẹdẹ. Mẹ ọrọre Nọyaẹnmwa ne Osanobua iran, I gha họn erhunmwu iran.

I Samuẹl 13:11

Sokpan e Samuẹl keghi kha wẹẹ, “De emwi ne u ru na yi?” E Sọl keghi wanniẹn wẹẹ, “I miẹn wẹẹ, avbe emwa nii lẹ sẹ mwẹ rae, wẹ ma vbe rre ye ẹghẹ ne u buru, deba ẹre, ivbi e Filistin vbe si koko ye Mikmas.

I Samuẹl 4:17

Ọmwa ne a gie ẹre uhunmwu ni keghi kha wẹẹ, “Izrẹl lẹ ne ivbi e Filistin, ugbemwẹ oya ọre a gbe ima re! Yevbe sẹ ọnii, iran gbele ivbuẹ eveva a ighẹ Hofnai kevbe Finihaz, okuo kevbe khọn mu Ẹkpẹti Ile!”