Psalm 6:8 - Edo Bible (E Baibol Ẹdo) Version 1996

⁸ Wa kpao vbe ehe ni I ye rre, emwa dan, E Nọyaẹnmwa họn eve mwẹ nẹ.

Psalm 6:8 ပူးပေါင်းရင်းမြစ်များ

Job 17:7

Te akhiẹ ghi ra rhu mwẹ aro, te obọ kevbe owẹ mwẹ ghi ye mighan mighan vbe aghọnghọn.

Psalm 116:8

E Nọyaẹnmwa miẹn mwẹ fan hin uwu rre, ọ kaa mwẹ ameve, ọ ma gie a obọ gba mwẹ.

Psalm 119:115

Wa kpao vbe ehe ne I ye rre, emwa orukhọ, I gha lele iyi Osanobua mwẹ.

Psalm 139:19

Osanobua, vbọ rrọ akpawẹ u gha gbele emwa dan an; vbọrrọ akpawẹ emwa ọkhọ gha rhie obọ hin mwẹ ẹkun rre!

Psalm 145:18

Ọ sikẹ iran ni kpe tie ẹre, iran ni ya ẹko ata kpe tie ẹre.

Psalm 3:4

I kpe tie Nọyaẹnmwa ne iyobọ. Ọ keghi wanniẹn mwẹ ẹmwẹ, ke oke ne ọ huanrẹn ọghọe gha dee.

Psalm 31:10

Egbe wọ mwẹ rhunmwuda akhiẹ. Eve fian ẹdẹ mwẹ kanmwa. Olọghọ ne I ye guọghọ mwẹ egbe ye otọ. Te avbe ugboloko mwẹ ghi rẹnhuan.

Psalm 56:8

Wẹ rẹn vbene obọ orueghe da mwẹ sẹ hẹ, wẹ gbẹnnẹ ẹmwẹ ameve mwẹ ye otọ nẹ, a ma mwamwa iran ye otọ vbe ẹbe ruẹ ra?

Aizaia 30:19

Wa ne emwa ni rre Jerusalẹm i ghi ra dọlegbe viẹ ọvbehe. Ọmwa itohan ọ re Nọyaẹnmwa khin, wa gha tu bu ẹre ya nọ iyobọ, ọ gha zẹ ye uwa ẹre.

Aizaia 38:3

“Yerre Nọyaẹnmwa wẹ, ekhọe mwẹ hia ọ re I ya ga a vbe ne a i na ru ero. Kevbe wẹ te I wa hia ne I ru vbene u ho ne I ru vbe ẹghẹ hia.” Ọ keghi viẹ ua ghẹghẹghẹ.

Aizaia 38:5

wẹ ne ọ werriegbe bu e Hẹzekaia gha khian, ne ọ ya tama rẹn wẹẹ, “Mẹ ne Nọyaẹnmwa, ne Osanobua e Devid ne erha a odede họọn erhunmwu ruẹn nẹ, I vbe dẹghe ameve ruẹ. I gha fian ukpo ekesugie ba ẹdagbọn ruẹn,

Eve Orriara 3:56

I ghi vbe rinmwian wẹ ne u zẹ yọ mwẹ re, u keghi họọn.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Matiu 7:23

Ẹghẹ ni ọre I gha na tama iran wẹẹ, ‘I ma rẹn uwa, wa ladian mwa, wa ni winna iwinna orukhọ.’

Iyẹn ne ọ Maan Ọghe Luk 13:27

Rẹn ghi dọlegbe tae wẹẹ, ‘I ma rẹn ehe ne uwa ke rre, wa kpao vbe ehe ne I ye rre, wa ne emwa orukhọ!’

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.