Psalm 6:6 - Edo Bible (E Baibol Ẹdo) Version 1996

⁶ Akhiẹ dunmwu mwẹ uan nẹ, asọn asọn ọ re ukpo mwẹ ya lẹ amẹ, ameve keghi ro ye ukohunmwu mwẹ.

Psalm 6:6 ပူးပေါင်းရင်းမြစ်များ

Job 10:1

“Agbọn khan mwẹ nẹ, Danmwehọ ẹzọ orriara ne I gui.

Job 16:20

Avbe ọse mwẹ sọnnọ mwẹ, aro mwẹ keghi gbe ameve kua ghe ehe ne Osanobua ye.

Job 7:3

Ke uki ya dinna uki, mẹ i miẹn emwi ne I rre agbọn ba. Asọn dinna asọn, akhiẹ ehia viọ bu mwẹ rre.

Psalm 115:17

Avbe orinmwi i rho e Nọyaẹnmwa, ra iran hia ni tuorre lao otọe a hunwan hii.

Psalm 30:10

Họn urhu mwẹ Nọyaẹnmwa, ne u tohan mwẹ! E Nọyaẹnmwa, yọmwẹ obọ!”

Psalm 38:9

Nọyaẹnmwa, wẹ rẹn emwi ne I rhie aro yi, u vbe họn utumwẹ obalọ mwẹ hia.

Psalm 39:12

Họn erhunmwu mwẹ Nọyaẹnmwa ne u vbe rhie ehọ ye eve mwẹ larre ne u do yọmwẹ obọ vbe I a gha viẹ. Ẹghẹ kherhe ọ re I mwẹ ne I gha ya vbe ehe ne u ye. Zẹ vbene avbe erha mwẹ odede vbe ye.

Psalm 42:3

Asọn kevbe avan ọ re I ya viẹ egbe, ameve ọkpa ọrọre evbare mwẹ ẹghẹ hia, avbe eghian mwẹ ghi gha nọ mwẹ wẹẹ, “Osanobua ruẹ vbọ?”

Psalm 69:3

Egbe wọ mwẹ ne I ya tu nọ iyobọ, urhu mwẹ vbe kaka te aro mwẹ ghi vbọ ne I ya gualọ iyobọ ruẹ.

Psalm 88:11

A vbe ta ẹmwẹ iho ruẹ ne ẹ i beghe vbe idin ra? Ra ọghe aguobọmwa ruẹn vbe ihe ọfuan?

Psalm 88:9

Te aro mwẹ ghi ghe vbirrivbirri rhunmwuda usẹ e Nọyaẹnmwa ẹdẹgbegbe ọ re I ya tu tie ruẹ. I ghi vbe viọ obọ da okhunmwu ghe ruẹ gha na erhunmwu.

Aizaia 38:18

A i miẹn ne ọ gha rho ruẹ vbe agbọn iran ni wulo nẹ; orinmwi i sẹtin mu ẹtin yan ẹmwata ruẹ.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Eve Orriara 1:16

“Ọna ọ sii ẹe ne aro mwẹ na rhọ ameve. A i miẹn ọmwa ne ọ gha sẹtin bọ mwẹ; ọmwa ne ọ gha sẹtin rhie ẹtin yọmwẹ iwu i rrọọ. Obọ avbe eghian gba mwẹ nẹ, emwa mwẹ i ghi mwẹ emwirhọkpa.

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Iyẹn ne ọ Maan Ọghe Luk 7:38

Ọ mudia ye ọkpẹn owẹ Jesu vbe odieke ẹre, ọ kegha viẹ, ọ na gha kharha ameve ye ọre owẹ, ọ ye unu soso ẹre owẹ, ọ keghi tue ori ne ọ winhin nii ye ọre owẹ.