Psalm 59:4 - Edo Bible (E Baibol Ẹdo) Version 1996

⁴ Ra rhunmwuda ama ru ẹse mwẹ Nọyaẹnmwa, ne dọmwadẹ ọghọe na khirhi rriẹ ihe ẹre.

Psalm 59:4 ပူးပေါင်းရင်းမြစ်များ

Gẹnẹsis 40:15

Ne I guẹ rẹn nian wẹ te a do mwẹ mu vbe ẹvbo emwa Hibru, kevbe emwa na vbe Igipt I ma ru emwi rhọkpa ne a rhunmwuda ẹre mu mwẹ fi eghan na.”

Psalm 35:19

Ghẹ gie iran ne eghian mwẹ, avbe ọhọn ohoghe nii, ghọghọ mwẹ wẹ obọ vba mwẹ. Ghẹ gie iran ni khuiwu mwẹ vbe ai mwẹ otọ, ye igiogio gbe mwẹ ye akhiẹ mwẹ.

Psalm 35:23

Guọnmwegbe kpaegbe Nọyaẹnmwa, ne u do gbinna mẹ. Osanobua mwẹ, kpaegbe ne u mu ẹzọ mwẹ gui.

Psalm 44:23

Rhiọrre, Nọyaẹnmwa, vbọzẹ ne u na vbiẹ yi? Guọnmwẹ egbe kpaegbe; ghẹ he ima ye otọ rhinrin ẹdẹ.

Psalm 5:6

Wẹ fuẹn avbe ọhọn ohoghe fo fẹẹrẹ, wẹ keghi vbe sọnnọ emwa ibalegbe kevbe emwa erẹrẹ

Psalm 56:7

Osanobua, rri iran oya ye emwi dan ne iran ru, vbe izohu ruẹ, gie obọ ruẹ ke ukhunmwu ne iran!

Itan 1:16

Iran i sẹtin ziengbe ne iran ghẹ ru emwi dan. Iran wa mu egbe vbe ehe hia ne iran de izigha.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 59:7

Uma dan ọ re uwa si vbe ẹghẹ hia, ọ ghi vbe gha bọbọ uwa egbe ne a ru. Wa ghi gha gbe ne ọ ma rukhọ, ẹ i sọn uwa urumwẹ. Ọ rhia ẹe kevbe ọrẹnkhuan ọ re a ya rẹn ehe ne uwa lae,

Iwinna 23:15

Rhunmwuda ọnii nian, wa kevbe Iko gie uhunmwu gie Ọkaokuo e Rom wẹ ne ọ rhie Pọl bu uwa gha dee, wa ghi ba kha ighẹ wa ra dọlegbe gualọ otọ ẹzọ ẹre ẹse. Sokpan ma mu egbe ne a gbe ẹe rua ọ te sẹ edinran.”

Ebe ne Pọl gbẹẹn gie emwa Rom 3:15

Gbe ẹe rua, rhia rua, ọre obọ na kẹ iran.

I Samuẹl 19:4

E Jonatan keghi tian e Devid ma e Sọl wẹẹ, “Dọmọ ọ, ghẹ ru e Devid ne ọguọmwadia ruẹ emwi ne ọ ma gba, ọ ma he ru emwi ne ọ ma gba ghe ruẹ ẹdẹ, sokpan, vbe ẹmwata, emwi ne ọ he ru hia, nẹ ọ rhie ere nọkhua gie uẹ ọ re ehia khin.