Psalm 58:6 - Edo Bible (E Baibol Ẹdo) Version 1996

⁶ Guọghọ akọn avbe oduma ni khọ na, Osanobua.

Psalm 58:6 ပူးပေါင်းရင်းမြစ်များ

Job 29:17

I fuẹn ẹtin emwa dan an, I na miẹn avbe oghunmwu iran fan.

Job 41:14

De ọmwa ne ọ gha sẹtin yan ẹre agbanmwẹ nii, ne a yọyọ akọn ni mu ohan ni gba?

Psalm 10:15

Guọghọ ẹtin emwa dan ni zẹ iba, rri iran oya ye emwi dan ne iran ru, iran te do dobọ ẹre yi.

Psalm 17:12

Iran ye vbe oduma, iran gha khẹ mwẹ, iran gha khẹ ne iran yanghan mwẹ ukhiọnmwẹ ukhiọnmwẹ.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 91:13

Wẹ gha ye owẹ rrilo oduma kevbe ẹyẹn ginna otọ oduma ni khọ, kevbe ẹyẹn ni mwẹ obi.

Asan-Ibo 10:11

A rẹn vbene a ya ta ẹyẹn ohun hẹ ighi mwẹ esa, a deghẹ u gie ẹyẹn nii ka ho ruẹ ẹmwẹ nẹ.

Aizaia 31:4

E Nọyaẹnmwa keghi tama mwẹ wẹẹ, “Vbene avbe ọsuohuan a rhirhi yan go sẹ ra vbe ne iran a rhi rhi tu sẹ, iran i sẹtin khu oduma hin aranmwẹ ne ọ gbe yotọ nẹ rre, erriọ vbe nọ emwiọkpa i rrọ ne ọ gha sẹtin da mwẹ yi, mẹ ne Nọyaẹnmwa ne Oghodua, ne I ghẹ tan obọ gue Oke Zaiọn.

Jerimaia 8:17

E Nọyaẹnmwa khare wẹẹ, “Wa gbe aro kotọ, I ra viọ ẹyẹn ku uwu ẹbu uwa, avbe ẹyẹn ni mwẹ obi, ne ẹ i gia vbe ta ẹre ohun, iran gha salọ uwa.”

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Nọmbas 23:24

Te ẹvbo Izrẹl yevbe oduma ne ọ mwẹ ẹtin, ọ ma gbe yanghan re nẹ, ẹ i hẹwẹ, ọ te wọn esagiẹn iran ne irẹn gbele.”