Psalm 58:11 - Edo Bible (E Baibol Ẹdo) Version 1996

¹¹ Emwa ghi gha kha wẹẹ, “A gele san emwa esi ẹse vbẹmwata; Osanobua ne ọ bu ohiẹn agbọn na gele rrọọ.”

Psalm 58:11 ပူးပေါင်းရင်းမြစ်များ

Psalm 107:42

Emwa ẹmwata miẹn ọna, iran kegha ghọghọ sokpan, a keghi gue emwa dan hia unu.

Psalm 18:20

E Nọyaẹnmwa san mwẹ ẹse, rhunmwuda I ru emwi ne ọ kere, ọ fiangbe mwẹ rhunmwuda ighe I ma rria abe.

Psalm 33:18

E Nọyaẹnmwa ọ re ọ gbearoghe iran ni ya ọghọ ne ẹẹn. Iran ni mu ẹtin yan ahoẹmwọmwa rẹn ne ẹi beghe.

Psalm 52:8

Sokpan, mẹ yevbe erhan oliv, ne ọ wan ladian vbe owa Osanobua ahoẹmwọmwa rẹn ne ẹ i beghe ọ re imẹ mu ẹtin yan ẹdẹ kevbe ẹdẹdẹmwẹdẹ.

Psalm 64:9

Ohan gha mu iran hia iran ghi gha mu iwinna Osanobua roro iran ghi vbe gha na iyẹn emwi ne ọ ru.

Psalm 67:4

Gie agbọn ẹvbo hia gha ghọghọ, ne iran vbe gha so ihuan ọyẹnmwẹ rhunmwuda, wẹ ya ẹmwata bu ohiẹn emwa hia, u keghi vbe dia uhunmwu ẹvbo hia, ni rre agbọn na ye odẹ.

Psalm 68:24

Osanobua, emwa hia bẹghe ọbọbọ akhọnmiotọ ruẹ, vbe ne Osanobua, ọba mwẹ ya na na la uwu owa ne ọ huanrẹn ọghọe hẹ.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Psalm 9:8

Odẹ ẹmwata ọ re ọ ya khaemwisẹ yan agbọn na. Ohiẹn ẹmwata ọ re ọ bu ne agbọn vbọ.

Psalm 92:15

Ọna rhiema wẹẹ ọmwata ọre Nọyaẹnmwa khin kevbe wẹ abakuru i vbe rre obọ ọmwa ne ọ gbe aro ghe mwẹ.

Psalm 94:2

Wẹ ọ re ọ bu ohiẹn emwa hia kpaegbe, ne u ru avbe emwa ni tọn egbe mu emwi ne ọ ma iran.

Psalm 96:13

Ẹghẹ ne Nọyaẹnmwa gha na do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.

Psalm 98:9

Rhunmwuda, ọ dee ra do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

Malakai 3:14

Wa khare wẹẹ, ‘Ẹi zẹdẹ mwẹ esa ne a gha ga Osanobua. De esa ne ọ khin ne a gha ru vbene ọ khare ra ne a gha rhie ma e Nọyaẹnmwa ne Oghodua wẹ ọ da mwa ne ima na ru emwi ne ima ru?

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.