Psalm 57:6 - Edo Bible (E Baibol Ẹdo) Version 1996

⁶ Avbe eghian mwẹ rhuẹ ọga yotọ ne iran mu mwẹ, akhiẹ gbe mwẹ fi otọ iran tọn uye ye odẹ ne I la, sokpan, iran tobọ iran kharha yọ.

Psalm 57:6 ပူးပေါင်းရင်းမြစ်များ

I Krọnikol 29:10

Vbe odaro emwa ni si koko vbe evba nii hia, e Devid keghi rho Osanobua, ọ na wẹẹ, “E Nọyaẹnmwa ne Osanobua ọghe Jekọb ne erha mwa odede, te a gha rho ruẹ ẹdẹ kevbe ẹdẹdẹmwẹdẹ!

I Krọnikol 29:11

U kpọlọ ẹsẹse, u kevbe mwẹ ẹtin ne ọ vuọn ne ose kevbe orrirri. Wẹ ọ re ọ yan emwi hia ni rre ẹrinmwi kevbe agbọn wẹ ọrọre ọba, ogie nọkhua ne ọ kha yan emwi hia.

Psalm 108:6

Ya ẹtin ruẹn miẹn mwa fan; họn erhunmwu mwẹ ne a miẹn ehe na fannọ emwa ruẹn ne u ho ẹmwẹ ọnrẹn ye otọ.

Psalm 140:5

Iran ni tọn egbe mu khuẹn ifi khẹ mwẹ, iran rhuẹ akobẹ iran nẹ, iran khuẹnnẹ ifi lele odẹ, ne iran mu mwẹ.

Psalm 142:3

Ọ gha kẹ ekherhe ne I wa fọrhiọn, rẹn rẹn emwi ne I gha ru. Avbe eghian mwẹ khuẹn ifi khẹ mwẹ, vbe odẹ ne I la khian.

Psalm 143:4

Rhunmwuda ọnii, te I ghi ra zẹ ukpọn obọ, egbe emwi hia wa wọ mwẹ fẹẹrẹ.

Psalm 145:14

Ọ ru iyobọ ne iran ni rre uwu ibaro, ọ munọ iran ni dele kpaegbe.

Psalm 42:6

Te udu mwẹ ghi ra kpaẹn vbe ehe ne I na rre iwe rhunmwuda ọnii, mẹ keghi werriẹ iro mwẹ da irẹn. Ọ gie ubimwẹ amẹ ọghe akhiẹ gie orhiọn mwẹ. Ke uhunmwu Oke Hẹmọn kevbe Oke Miza gha dee.

Psalm 8:2

Avbe ibiẹka kevbe avbe emobọ hia, ya ẹe so ihuan. Wẹ gbe ẹkun sẹ otọ, u kevbe rrọ vbe ai mwẹ ẹbe, vbe obọ avbe eghian ruẹn hia. Wẹ da iran obọ yi, ighe iran ni mu aro igbinna da ruẹ.

Itan 28:10

U gha rẹrẹ ọmwa esi fi orukhọ, ifi ne uwẹ tobọ khuẹn gha mu ẹẹn. A ghi san ọmwa ne ọ ma rukhọ ẹsẹse.

Itan 29:5

Adeghẹ u kpe ọsiọ ye ewọwọ, te u rhuẹ ifi ne egbe uẹ.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Nọmbas 14:21

Sokpan, I yan rẹn vbene I mẹ na rrọọ kevbe vbene aro mwẹ na gba agbọn hia.