Psalm 55:17 - Edo Bible (E Baibol Ẹdo) Version 1996

¹⁷ Owiẹ, avan kevbe asọn ọ re ovian kevbe utumwẹ obalọ mwẹ ya bu ẹre yo, ọ gha họn urhu mwẹ.

Psalm 55:17 ပူးပေါင်းရင်းမြစ်များ

Job 19:7

I datu wẹ obọ ẹre da mwẹ, a ma miẹn ọmwa ne ọ danmwehọ. I tu wẹ ne a bu ohiẹn mwẹ ẹse, a ma miẹn ọmwa ne ọ zẹ yọ.

Psalm 119:62

Vbe ogiasọn, mẹ rhiọrre ne I rho ruẹ ye ibuohiẹn ẹmwata ruẹ.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Psalm 72:12

Rẹn miẹn avbe ivbiogue, ni kpe tie ẹre fan deba iran ne ẹ i mwẹ kevbe ne a he.

Psalm 77:2

Vbe ẹghẹ ọlọghọmwa I na erhunmwu ghe Nọyaẹnmwa, vbe asọn biiri I keghi viọ obọ mwẹ da odukhunmwu gha na erhunmwu. Sokpan, egbe ma ye rọkhọ mwẹ.

Psalm 88:13

E Nọyaẹnmwa, mẹ kpe tie ruẹ nọ iyobọ, owiẹ owiẹ ọ re I ya na erhunmwu ghe ruẹ.

Psalm 92:2

Ne a gha na iyẹn ahoẹmwọmwa ruẹn ne ẹ i beghe owiẹ owiẹ, kevbe aguobọ ọmwa ruẹn vbe asọn asọn.

Eve Orriara 3:8

I datu gha nọ iyobọ, sokpan, Osanobua ma zẹdẹ zẹ yọ mwẹ re;

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Daniẹl 6:13

Iran keghi wanniẹn tama ọba wẹẹ. “E Daniẹl ne ọkpa vbe avbe ivbi e Juda ni rre iwe, i zẹdẹ da ne uwẹ, Umogun ra ne ọ vbe gha ya iyi ne uwẹ yi ru emwi. Ẹ i gbe erhunmwu ne a na igba eha vbe ẹdẹ re.”

Iyẹn ne ọ Maan Ọghe Mak 1:35

Jesu keghi ladian vbe owiẹ fioo, vbe ẹdẹ ma he gbe, ọ kegha rrie ehe ne ọ divbiẹ vbe a la hin ore ẹvbo rre, ọ keghi ya na erhunmwu.

Iyẹn ne ọ Maan Ọghe Mak 6:46

Ọ ghi gbe ọ khian vbe a zẹ kpẹe ne avbe erhuanegbe nẹ, rẹn kegha rrie uhunmwu oke ne ọ ya na erhunmwu.

Iyẹn ne ọ Maan Ọghe Mak 6:48

Rẹn keghi miẹn wẹ okọ wa ba so avbe erhuanegbe ẹre na gua, rhunmwuda ne ẹhoho na bi iran ghe iyeke, rhunmwuda ọnii, ọ ghi rre ẹkpo ẹgogo eha kevbe ehan vbe owiẹ, ọ keghi gha ya owẹ nana uhunmwu amẹ bu iran de.

Iwinna 10:3

Ẹdẹ ọkpa, vbe odẹ ihe ẹgogo eha vbe avan, rẹn keghi miẹn umian ne ọ na wa bẹghe odibo Osanobua ọkpa vbe ọ bu ẹre gha dee do tama rẹn wẹẹ, “Kọniliọs!”

Iwinna 10:30

Kọniliọs keghi kha wẹẹ, “Odẹ ẹghẹ vbe nian vbe nẹghẹdia, I kegha na erhunmwu vbe uwu owa mwẹ, vbe ẹghẹ ẹgogo eha ọghe avan. Vbe udomwurri, orhiọnkpa ne ọ ya ukpọn nọ fi wain wain mu egbe, keghi mudia ye odaro mwẹ,

Iwinna 10:9

Vbe ikpẹdẹ ne ọ lele ẹe vbe iran ghi khian sẹ Jopa, Pita keghi hin odukhunmwu ihie owa ne ọ ya na erhunmwu vbe ẹghẹ ogiavan.

Iwinna 3:1

Ẹdẹ Ọkpa, Pita kevbe Jọn keghi gba gha rrie Ọgua Osa vbe ihe ẹgogo eha vbe avan, ne iran ya na erhunmwu.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

I Tẹsalonaika 5:17

Wa gha na erhunmwu vbe ẹghẹ hia.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.