Psalm 54:7 - Edo Bible (E Baibol Ẹdo) Version 1996

⁷ U miẹn mwẹ fan hin uwu ibaro mwẹ hia rre aro mwẹ miẹn ọẹn vbe obọ ke ukhunmwu ne avbe eghian mwẹ.

Psalm 54:7 ပူးပေါင်းရင်းမြစ်များ

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

II Samuẹl 4:9

E Devid keghi wanniẹn iran wẹẹ, “I vẹn ihẹn vbe eni e Nọyaẹnmwa nọ rrọọ ne ọ miẹn mwẹ fan vbe uwu ẹbe hia.

Psalm 112:8

Ẹ i hawa, ohan i muẹn; ọ rẹnrẹn ighe aro irẹn gha sẹ ọe, vbe obọ a rhanmwẹ avbe eghian rẹn.

Psalm 118:7

E Nọyaẹnmwa ọ re ọ yọmwẹ obọ aro mwẹ gha sẹ ọe vbe obọ a gba avbe eghian mwẹ.

Psalm 143:12

Rhunmwuda ne u na ho ẹmwẹ mwẹ, gbele avbe eghian mwẹ hia a, vbe fuẹn iran ni zẹmwẹ kpokpo ua, rhunmwuda, ọguọmwadia ruẹ mẹ khin.

Psalm 34:19

Ọlọghọmwa nibun, ọ re ọmwata miẹn, sokpan, e Nọyaẹnmwa ghi miẹn rẹn fan vbe uwu ehia fẹẹrẹ.

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 37:34

Hẹnhẹn idaehọ ruẹ yan e Nọyaẹnmwa gha mu uhi ẹre sẹ ọ gha mu otọe ni ne uẹn. Ne ọ ya mu ọghọ yuẹ egbe. U gha vbe miẹn ọẹn vbe a gha khulo emwa dan ladian.

Psalm 59:10

Osanobua mwẹ ho ẹmwẹ mwẹ, ọ gha rrọ mwẹ rre, ọ gha gun mwẹ miẹn iyeke avbe eghian mwẹ.

Psalm 91:8

Wẹ gha ghe ẹre, aro ruẹ ghi vbe miẹn vbe ne a rri emwa dan oya hẹ.

Psalm 92:11

Aro miẹn ọẹn nẹ vbe obọ gba avbe eghian mwẹ, I vbe họn eve avbe emwa dan.

II Timoti 4:18

Erriọ Nọyaẹnmwa gha yuo mwẹ hin uwu ọkhọ hia rre, ọ ghi rhie mwẹ gha rrie Arriọba ẹrinmwi ẹnrẹn vbe ne a i na mwẹ ẹbe. Uyi ọre ọghọe ẹdẹ kevbe ẹdẹdẹmwẹdẹ. Isẹ.

I Samuẹl 26:24

Zẹ vbene I sẹ uẹ rae ẹrẹna, te Nọyaẹnmwa, gha vbe ru imẹ vberriọ, ne ọ fan mwẹ fua hin uwu ọlọghọmwa hia rre.”