Psalm 53:3 - Edo Bible (E Baibol Ẹdo) Version 1996

³ Sokpan, iran hia fi iyeke gbe nẹ, urhiamwẹ ọkpa ọ re ọ gue iran hia, ai vbe miẹn ọkpa ne ọ ru emwi ne ọ gbae vbọ ọkpa kẹkan i rrọ.

Psalm 53:3 ပူးပေါင်းရင်းမြစ်များ

II Samuẹl 20:2

Ẹre ivbi Izrẹl na fi iyeke gbe Devid, iran na lele Siẹba. Sokpan ivbi e Juda ma fi ekhọe werriẹ, iran keghi lele Devid ke Jọdan gha dee do sẹ e Jerusalẹm.

Job 15:16

Ọmwa nagbọn ghi gha si ọkhọ wọn zẹ vbe amẹ, ẹn, te ọmwa kẹkẹ ua, te ọ wa ku ogboi.

Psalm 14:3

Sokpan, ehia wa bodẹ ku, urhiamwẹ ọkpa ọ re ọ gu iran hia. Ne ọ ru emwi la uro i rre uwu iran, ọkpa kẹkan i rrọ.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Zẹfanaia 1:6

I gha fuẹn iran ighe iran ni werriegbe, ne iran na ma ghi lele mwẹ ọvbehe, iran ni ma bu mwẹ rre do nọ mwẹ wẹ ne I ru igiodẹ ne iran.”

Ebe ne Pọl gbẹẹn gie emwa Rom 3:12

Emwa hia fi iyeke gbe Osanobua nẹ, ehia ba odẹ ku nẹ. Orhiọnkpa nọ ru emwi ne ọ maa ẹ i rrọọ, kaka ọkpa kẹkan.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

I Jọn 2:29

Wa rẹnrẹn wẹ, ọmwata ọre Kristi khin, rhunmwuda ọnii, ọ kere ne uwa rẹn khekherriọ wẹ, ọmwaikọmwa ne ọ ru emwi emwata, ovbi Osanobua nọ.

III Jọn 1:11

Wa ne avbe ọse mwẹ, wa ghẹ gha ya egbe ta emwi dan, wa gha ya egbe ta emwi esi. Ọmwaikọmwa ne ọ ru emwi ne ọ maa ọghe Osanobua nọ, ọmwaikọmwa ne ọ ru emwi dan, ọ ma he miẹn Osanobua.

Arhie Maan 22:11

Ọmwa ne ọ re ọmwa dan, we ẹre wa gha ru ọmwa dan khian, ne ọ re agbiruẹn, we ne ọ wa gha re agbiruẹn khian, ọmwa ne ọ re ọmwa esi, we ne ọ wa gha ru emwi esi khian, ọmwa ne ọ re ne ọ huanrẹn, wẹ ne ọ wa vbe gha re ne ọ huanrẹn khian.”