Psalm 52:3 - Edo Bible (E Baibol Ẹdo) Version 1996

³ U ho ẹmwẹ emwi dan sẹẹ emwi esi, kevbe ohoghe sẹẹ ẹmwata.

Psalm 52:3 ပူးပေါင်းရင်းမြစ်များ

Psalm 62:4

Te uwa ho ne uwa siẹe guọ, hin ehe uyi ẹre rre kẹkan; ohoghe ne a ta ghi wa gha yẹ uwa wa ghi gha na erhunmwu, vberriọ, wa ye otọ ẹko tie ihẹn ne ẹn.

Itan 21:10

Ohanmwẹ emwi dan ne a ru ọ re ọ gbe emwa dan vbe ẹghẹ hia; iran i tohan ọmwa rhọkpa.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 9:8

Aranmwẹ iran yevbe ifẹnmwẹ obi, ohoghe iran wa ta ẹghẹ hia. Dọmwadẹ ọghọe ghi gha ta ẹmwẹ ne ọ rhiẹnrhiẹn ma ogieva ẹre sokpan vbe ne ẹmwata, ọ gha khuẹn ifi khẹ ọre.

Maika 3:2

Sokpan, ohu emwi esi ghi gha mu uwa, wa ghi gha ho ẹmwẹ emwi dan, wa gha zẹlẹ emwa mwẹ ohian, ke iran kevbe ẹmwẹ ne unu, wa keghi gbẹn ugboloko iran hia.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Ebe ne Pọl gbẹẹn gie emwa Rom 1:25

Iran fi ẹmwata ne ọ rre ẹmwẹ Osanobua werriẹ ya khian ohoghe. Iran keghi ga, iran na vbe gha ya uhunmwu rhanmwẹ otọe ne emwi ne Osanobua yi, ne iran gha na te gha ga Ayi Ne ọ yi tobọ ẹre, ne a gha rhie uyi na ẹdẹdẹmwẹdẹ, Isẹ.

II Timoti 3:4

Iran ghi gha si uma isọtẹ, iran ghi gha zẹ esu, uhiomwẹ ghi zẹ iran udu ua. Iran ghi gha hoẹmwẹ egberọkhọmwẹ vbe ne iran i na hoẹmwẹ Osanobua.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.