Psalm 52:2 - Edo Bible (E Baibol Ẹdo) Version 1996

² U zẹ iro vbene u gha mu agbọn rhia ye ẹrrẹe obọ hẹ aranmwẹ ruẹn yevbe abẹe ne ọ mu, ẹghẹ hia ọ re u ya zẹ ohoghe ta.

Psalm 52:2 ပူးပေါင်းရင်းမြစ်များ

Psalm 109:2

Emwa dan kevbe avbe ọhọn ohoghe gha gun mwẹ gbinna, iran gha ba mwẹ ohoghe khian;

Psalm 120:2

Nọyaẹnmwa, miẹn mwẹ fan, vbe obọ ọhọn ohoghe kevbe avbe ọrẹrọmwa.

Psalm 50:19

“Ẹghẹ hia wa ya mu egbe ne uwa ya ta ẹmwẹ dan ohoghe ne a ta i vbe kan uwa aro.

Psalm 57:4

Eghian ni yevbe oduma ni rri ọmwa lẹga mwẹ. Akọn iran yevbe asoro kevbe ifẹnmwẹ, aranmwẹ iran yevbe umozo ne ọ mu.

Psalm 59:7

Gha họn vbene iran tie ihẹn kevbe vbene iran vbe yanma hẹ. Aranmwẹ iran yevbe umozo vbe unu iran. Sevba te iran ye ro wẹ, ọmwa rhọkpa ma rẹn ne iran ye.

Itan 12:18

Ẹmwẹ akpa, te ọ fian ẹwẹn ne ọ da zẹ vbe umozo, sokpan ẹmwẹ ne a ya ẹwaẹn ta, te ọ kpe ẹwẹn rrie.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Itan 30:14

Emwa eso rrọ ne obọ ẹre wa rhanmwẹ ivbogue kevbe ne ẹ i mwẹ, ọnii ọ re iran wa ya re.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Matiu 26:59

Avbe igie ohẹn kevbe Iko nii hia, kegha gualọ osẹe ohoghe ne iran gha sẹ gbe Jesu ne iran miẹn ehe na gbe ẹe rua.

Iwinna 24:1

Ọ ghi rre usẹn, Ananias ne Ogie Ohẹn keghi viọ ediọn eso kevbe ulaya ọkpa ne a tie eni ẹnrẹn Tetulus ba egbe gha rrie Sisaria. Iran keghi mudia vbe odaro Fẹlis, iran na ba e Pọl ifi ẹzọ.

Iwinna 24:5

Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.

II Kọrinti 11:13

Avbe emwa ni i re ukọ ne ukọ, ukọ ohoghe iran khin, iran ni vbe ta ohoghe ye iwinna iran, iran ghi fi egbe werriẹ, ne iran ba do ye vbe ukọ ne ukọ ọghe Kristi.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

Arhie Maan 12:10

I keghi họn urhu ne ọ la ọkpa ne ọ khare vbe ẹrinmwi wẹẹ, “Banbanna nian, imiẹnfan Osanobua rre nẹ. Banbanna nian, Osanobua rhie ẹtin ẹnrẹn maa nẹ, zẹ vbe Ọba. Banbanna nian, Mẹzaia ẹre rhie asẹ ọre maa nẹ. Rhunmwuda, ọmwa ne ọ gu etẹn mwa gui, ne ọ mudia vbe odaro Osanobua gha ba iran ifi ẹzọ asọn kevbe avan, a muẹn fua hin ẹrinmwi rre nẹ.

I Samuẹl 22:9

E Doeg ne ovbi ẹvbo Idọm wa mudia ba emwa e Sọl vbe ẹghẹ ne a kha na, ọ keghi kha wẹẹ, “I miẹn e Devid vbe ọ la ọghe Ahimẹlẹk ne ovbi Ahitub, vbe Nob.