Psalm 52:1 - Edo Bible (E Baibol Ẹdo) Version 1996

¹ Okpọmwa, vbọzẹ ne u na ya emwi dan rhuọ yi? Aho ẹmwẹ ọmwa Osanobua; etẹbitẹ nọ.

Psalm 52:1 ပူးပေါင်းရင်းမြစ်များ

Psalm 10:7

Ihẹn ne a tie, ọ re ẹmwẹ ne ọ ta hia khin, kevbe ohoghe deba ne a na yan gie ọmwa. Obọ wa kẹ ọre vbe ẹmwẹ ikhuiwu dan ne a ta.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 107:1

Wa rhie ekpọnmwẹ ne Nọyaẹnmwa, rhunmwuda ighe ọ maa, etẹbitẹ ọre aho ẹmwẹ ọmwa rẹn khin.

Psalm 54:3

Iran ni tọn egbe mu dee ra do gunmwẹ gbinna avbe emwa dan ho ne iran gbe mwẹ uan iran ne ẹ i vbe zẹ ye ọghe Osanobua hiehiere.

Psalm 59:7

Gha họn vbene iran tie ihẹn kevbe vbene iran vbe yanma hẹ. Aranmwẹ iran yevbe umozo vbe unu iran. Sevba te iran ye ro wẹ, ọmwa rhọkpa ma rẹn ne iran ye.

Psalm 7:14

Ghe vbene emwa dan zẹ iro dan hẹ: Iran ghi gha khuẹn ifi ọlọghọmwa, iran ghi gha do ẹki erẹrẹ.

Psalm 94:4

Vbe ọ gha kpee sẹ hẹ yi, ighe ẹghẹ ne avbe emwa dan gha ya gha hio ne iran gha ya emwi dan ne iran ru rhuọ?

Ẹksọdọs 22:9

“A gha sinmwi emwikemwi ọre ẹmila nọ ra ekẹtẹkẹtẹ ra ohuan ra ukpọn ra emwi ne ọ rhirhi a wi, ne ọmwa ọvbehe khare wẹ rẹn ọre ọ yan rẹn, a ghi viọ ẹmwẹ iran e eva gha die owa ugamwẹ ọmwa ne Osanobua ghi bu abe gbe ghi hae ukhukhu eva ne ọmwa nọkpa.

Itan 6:14

Iran ghi gha mwamwa emwi dan vbe ekhọe iran ne ọ mu rhu, iran ghi gbe ẹti lele ehe hia.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Jerimaia 41:4

Ẹdẹ ne ọ lelẹe, vbe ọmwaikọmwa te do rẹn wẹ iran gbe Gedalaia a.

Jerimaia 9:8

Aranmwẹ iran yevbe ifẹnmwẹ obi, ohoghe iran wa ta ẹghẹ hia. Dọmwadẹ ọghọe ghi gha ta ẹmwẹ ne ọ rhiẹnrhiẹn ma ogieva ẹre sokpan vbe ne ẹmwata, ọ gha khuẹn ifi khẹ ọre.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Ebe ne Pọl gbẹẹn gie emwa Rom 1:30

Iran ta ewẹwẹwẹ, iran ta egbe ọtakhọ, iran khui iwu Osanobua, iran zẹ vbe udu, iran tọn egbe mu, iran rhuọ, iran ghi gha gualọ iba ọgbọn ne iran gha zẹ, iran i họn ẹmwẹ ne evbibiẹ iran.

II Timoti 3:2

Rhunmwuda, emwa ghi khian ni rẹn enegbe iran ọkpa, iran ghi gha zuan, kevbe orhuọ, a ghi gha ya obọ so udu, iran ghi gha filo unu, iran i ghi họn ẹmwẹ evbibiẹ iran, emwa ẹse oghodan, iran i ghi ga Osanobua.

I Samuẹl 21:7

Ọkaolotu iran ni su ohuan e Sọl ne a tie ẹre Doeg, ne ọ ke Idọm rre keghi rre evba ẹdẹrriọ rhunmwuda ọ do mu eyan ugamwẹ eso sẹ.