Psalm 51:9 - Edo Bible (E Baibol Ẹdo) Version 1996

⁹ Rhie aro hin orukhọ mwẹ rre, ne u vbe khiẹn emwi dan mwẹ hia hin rre.

Psalm 51:9 ပူးပေါင်းရင်းမြစ်များ

Job 9:30

Evbakhuẹ ne ọ gha kpe orukhọ mwẹ i rrọ.

Psalm 51:1

Tohan mwẹ Osanobua rhunmwuda ahoẹmwọmwa ruẹn ne ẹ i beghe rhunmwuda itohan ruẹn ne ọ kpolo khiẹn orukhọ mwẹ nibun hin rre.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Jerimaia 16:17

I bẹghe emwi ne iran ru hia. Emwi okpa ma rhie egbe lẹre mẹ, orukhọ ne iran ru ma sẹtin rhie egbe lẹre ne aro mwẹ.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Nọmbas 19:18

Vbe ọ ghe ne okaro, ọmwa ne awua i gue ghi rhie abọ ebe afọ, ọ ghi fiẹe ye uwu amẹ nii, ọ ghi miẹn rẹn lele owa ukpọn nii, kevbe emwi hia ni rre uwu ẹre kevbe emwa ni rre evba. Vbe ọ ghe ne ogieva, ọmwa ne awua i gue ghi miẹn amẹ nii ku ọmwa ne ọ ya obọ kan ugboloko ọmwa, ra ikun orinmwi ra idin.

Kọlose 2:14

Ọ keghi khiẹn ẹnrẹn uan ighẹ ebe ne a te ya gbẹnnẹ osa ne ima re ye ima urhu, ke ẹe kevbe ilele ne a te ya gbalọ mwa, ọ keghi wa wabọ ẹre ua fẹẹrẹ, vbe ekpa ne ọ na kan rẹn mu ugbugbe.