Psalm 51:7 - Edo Bible (E Baibol Ẹdo) Version 1996

⁷ Khiẹn orukhọ mwẹ hin rre mẹ gha huan, khuẹ mwẹ mẹ gha fua sẹẹ isonorhọ.

Psalm 51:7 ပူးပေါင်းရင်းမြစ်များ

Job 14:4

Emwi ọkpa ne ọ huanrẹn, ne ọ gha sẹtin ke uwu emwi ne ọ gbe iruẹn zẹ vbene ọmwa nagbọn ye rre, ẹ i rrọọ.

Psalm 58:4

Iran vuọn ne obi zẹ vbe ẹyẹn iran ghi khiọ ehọ iran vbe ẹyẹn ne ọ yin ehọ.

Ẹksọdọs 12:22

A ghi rhie abọ hisọp, wa ghi fi ẹe ye esagiẹn ne ọ rre ọkpan, wa ghi ya ẹe wo ẹkhu kevbe egbaha onurho uwa, wẹ ne ọmwa rhọkpa ghẹ kpa vbe owa ọ te ya sẹ owiẹ.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Iyẹn ne ọ Maan Ọghe Jọn 13:9

Saimọn Pita wanniẹn wẹẹ, “Nọyaẹnmwa, a deghẹ erriọ nọ, ẹ i re owẹ mwẹ ọkpa u gha kpe, wa vbe kpe mwẹ obọ kevbe uhunmwu ba re.”

Hibru 9:19

Okaro, Mosis keghi talọ ẹmwẹ uhi na ma emwa nii, zẹ vbene a gbẹn ye nene Uhi. Vbe iyeke ọnii, ọ keghi mu esagiẹn ẹmila ke ẹe kevbe amẹ, ọ keghi ye hisọp kevbe iku oru ododo, sanmwẹ ọẹn ku ebe nene Uhi kevbe avbe emwa nii.

I Jọn 1:7

Sokpan deghẹ ma rre uwu uwanmwẹ zẹ vbene irẹn vbe rre uwu uwanmwẹ, ẹghẹ nii, ọre ima na gu egbe mu obọ, esagiẹn Jesu ne Ovbi ẹre ghi ye ima khian ne ọ huanrẹn hin orukhọ hia rre.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.