Psalm 51:15 - Edo Bible (E Baibol Ẹdo) Version 1996

¹⁵ Yọmwẹ obọ ne I guan Nọyaẹnmwa, mẹ gha vbe gha rho ruẹ.

Psalm 51:15 ပူးပေါင်းရင်းမြစ်များ

Gẹnẹsis 44:16

Juda keghi kha wẹẹ, “De ẹmwẹ ne ima ra miẹn ta yi enọwanrẹn? De ẹzọ ne a ra miẹn gui? Vbe ima a ra ya fan egbe mwa hẹ? Osanobua wee ima uhe ua nẹ, enọwanrẹn. Enọwanrẹn, eviẹn ruẹn ma hia ghi khin, ẹ i re ọmwa na a miẹn ukpu ni vbe obọ ẹre ọkpa.”

Psalm 119:13

Mẹ gha mu ehia go ighe avbe uhi hia ne u wẹ rhie rre.

Psalm 9:14

ne imẹ miẹn ehe na mudia vbe odaro ivbi e Jerusalẹm. Ne I tama iran, emwi ne I rho ruẹ ba. I gha ghọghọ rhunmwuda, wẹ miẹn mwẹ fan nẹ.

Ẹksọdọs 4:11

E Nọyaẹnmwa keghi tama rẹn wẹẹ, “De ọmwa ne ọ rhie unu ọmwa nẹẹn yi? Gha ọ ya ẹe khian odin ra ayin ehọ? Gha ọ rhie adẹghe nẹẹn ra ne ọ ya ẹe rhu aro? Mẹ ne Nọyaẹnmwa nọ.

Ezikiẹl 16:63

I gha ya emwi ne u baku ru hia bọọ. Sokpan wẹ gha ye iran rre, ekhue i ra gie uwẹ vbe rhan unu ruẹn.” E Nọyaẹnmwa ne Udazi tae nẹ.

Ezikiẹl 29:21

“Ọnii ghẹ ghi sunu nẹ, I gha ru ẹe ne ivbi Izrẹl wegbe, I ghi vbe ru ẹe ne uwẹ ne Ezikiẹl guan ladian vbe ehe ne emwa hia gha na họn ẹmwẹ ruẹn, ne iran miẹn ehe na rẹn wẹ mẹ ọrọre Nọyaẹnmwa.”

Ezikiẹl 3:27

Iyekọnii, I gha ghi dọlegbe guẹ guan, I na dọlegbe rhie ẹtin ne a ya guan nuẹn, u gha tama iran vbe ne imẹ ne Nọyaẹnmwa ne Udazi khare. Eso vbe uwu iran gha danmwehọ, sokpan eso vbe uwu iran i ra zẹ ye uẹ re rhunmwuda, ẹvbo etẹ ọ re iran khin.”

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Matiu 22:12

Ọba keghi nọ rẹn wẹẹ, ‘Ọse mwẹ, vbe uwẹ ya sẹ emwa na hẹ vbe ne u i na mwẹ ẹwu irhiọha yi?’ Sokpan okpia na ma miẹn ẹmwẹ guan.

Iyẹn ne ọ Maan Ọghe Mak 7:34

Jesu keghi tọn aro mu ghe odukhunmwu, ọ keghi kakabọ gbẹtin, ọ tama okpia ni wẹẹ, “Ephphatha,” ọnii nọ wẹ, “Kie ye otọ.”

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.