Psalm 51:11 - Edo Bible (E Baibol Ẹdo) Version 1996

¹¹ Ghẹ kan mwẹ fua hin ehe ne u ye rre ghẹ vbe miẹn mwẹ orhiọn ne ọ huanrẹn ruẹn.

Psalm 51:11 ပူးပေါင်းရင်းမြစ်များ

Gẹnẹsis 4:14

Te u ghi khu mwẹ hin otọ na rre na, kevbe hin odaro ruẹ rre. I ghi khian ehevbehevbe ke enọkpolugho vbe agbọn, ọmwa ne ọ rhirhi miẹn mwẹ ghi gbe mwẹ uan.”

Gẹnẹsis 6:3

Ẹre Nọyaẹnmwa na kha wẹẹ, “I i ghi kue ne emwa wa gha rre agbọn ẹdẹdẹmwẹdẹ rhunmwuda emwi ne ọ sẹtin wu ọre iran khin. Ke eban kpao iran i ghi ra gha ya gberra ukpo iyehan (120) vbe agbọn.”

II Samuẹl 7:15

Sokpan I i ra fi iyeke gbe ẹe vbene I fi iyeke gbe Sọl ne I rhie hin evba rre, ne uwẹ miẹn ehe na do rriọba.

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

II Ọba 23:27

E Nọyaẹnmwa keghi kha wẹẹ, “I gha ru e Juda emwi ne I vbe ru Izrẹl re: I gha viọ ivbi e Juda hin odaro mwẹ rre I gha he Jerusalẹm ne ẹvbo ne I hannọ zẹ, ke Ọgua Osa, ehe ne Imẹ khare ighẹ a gha na gha ga mwẹ.”

II Ọba 24:20

Ohu emwa Jerusalẹm keghi mu e Nọyaẹnmwa sẹrriọ, kevbe e Juda ba ẹre, ne ọ na kpolo iran kua hin odaro irẹn rre.

Psalm 43:2

Wẹ ọ re ọ degue mwẹ, vbọzẹ ne u na he mwẹ ye otọ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?

Psalm 71:18

Ugbẹn vbe I ghi khian ọmaẹn nẹ nian vbe I ghi fu edẹ, ghẹ he mwẹ ye otọ Nọyaẹnmwa! Gun mwẹ gha rrọ vbe I a gha na iyẹn, ẹtin kevbe iwegbe ruẹ, ma avbe orre ni gha he rre.

Psalm 71:9

Ghẹ he mwẹ ye otọ, vbe I khian ọmaẹn nẹ nian. Ghẹ fi iyeke gbe mwẹ vbe egbe mwẹ guọghọ nẹ.

Jerimaia 7:15

I gha khulo uwa hin odaro mwẹ rre, zẹ vbe ne I vbe khulo avbe etẹn uwa ladian ighe ivbi Izrẹl. Mẹ ne Nọyaẹnmwa ọ re ọ tae.”

Iyẹn ne ọ Maan Ọghe Luk 11:13

Vbene uwa ghi vbe rhia sẹ, wa rẹn ya gha viọ emwi esi ne ivbi uwa. Vbe uwa ghi ye Erha uwa ne ọ rre ẹrinmwi khẹ, ẹ i re te ọ gha rhie Orhiọn Ne Ọ Huanrẹn ne iran hia ne ọ vbu vbe obọ ẹre!”

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Ebe ne Pọl gbẹẹn gie emwa Rom 1:4

Zẹ vbe ọghe uhuanmwẹ ọnrẹn ke ẹrinmwi re, a keghi ya ẹtin nọkhua rhie maa ighẹ Ovbi Osanobua nọ vbe ekpa ne a na huẹn ọẹn kpao vbe idin orinmwi.

Ebe ne Pọl gbẹẹn gie emwa Rom 8:9

Sokpan ẹ i rre vbene egbe uwa zẹ vbene a yi ẹe ho, ẹre uwa wa ru, emwi ne Orhiọn kha re ọre uwa ya ru emwi a deghẹ Orhiọn Osanobua gele rre uwu uwa vbe ne ẹmwata. Ọmwaikọmwa ne ẹ i mwẹ Orhiọn Kristi, ẹ i re ọghọe.

Ẹfisọs 4:30

Ghẹ rhia Orhiọn Ne Ọ Huanrẹn ọghe Osanobua ekhọe rua, rhunmwuda nene Orhiọn ọrọre ama ọghe mẹ ọ yan rẹn, ne Osanobua yi ye uẹ egbe, ama ne aro ya dae wẹ, ẹdẹ dee ne Osanobua gha faan ye otọ.

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.

Giọgis 13:25

Orhiọn ọghe Nọyaẹnmwa kegha tuorre yan rẹn vbe ọ rre agọ ọghe Dan vbe ẹkpo Zora kevbe Estao.

Giọgis 15:14

Ọ ghi sẹ Lẹhi, ivbi e Filistia keghi wa gha vẹ bu ẹre dee, iran kegha go yan rẹn. Orhiọn e Nọyaẹnmwa keghi rhie ẹtin ne ẹẹn, ọ keghi giagia irri ne a ya gbalọ ẹre obọ gbalọ ẹre owẹ kua vbene a gha kha wẹ oru ne erhẹn giẹnrẹn ọ re nọ.

Giọgis 16:20

Okhuo nii keghi datu wẹẹ, “E Samsin, ivbi e Filistia dee!” Rẹn keghi rhiọrre, ọ keghi te gha ro wẹẹ, “I gha vin ladian ne I fanmwẹ gbe ua vbene I ka ru ẹẹ yi.” Ọ ma rẹn wẹ e Nọyaẹnmwa kpao sẹ ọe rae nẹ.

I Samuẹl 10:10

E Sọl kevbe ọguọmwadia ẹre ghi sẹ Gibea, otu akhasẹ ọkpa keghi do vba ẹre. Orhiọn Osanobua keghi hin yan rẹn udomwurri ọ na deba iran gha kuu, ọ kevbe gha go.

I Samuẹl 16:14

Orhiọn e Nọyaẹnmwa keghi kpao sẹ e Sọl rae, orhiọn dan ne Nọyaẹnmwa gie rre keghi do gha mu ẹẹn rueghe.