Psalm 50:5 - Edo Bible (E Baibol Ẹdo) Version 1996

⁵ Rẹn keghi kha wẹẹ, “Wa si avbe emwa ni guobọ mwẹ koko ye ehe ne I ye, iran ni zọ ese ya gun mwẹ ta ile.”

Psalm 50:5 ပူးပေါင်းရင်းမြစ်များ

Psalm 30:4

Wa so ihuan urhomwẹ ghe Nọyaẹnmwa, wa ne emwa rẹn ni gia mu ẹtin yan. Wa yerre, emwi ne Ne ọ huanrẹn Nii ru ne uwa rhie ekpọnmwẹ ne ẹẹn.

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Itan 2:8

Ọ degue iran ni ya obọ esi mu emwa ọvbehe, ọ ghi vbe gha khẹ odẹ ne iran ni gu obọ ẹre.

Aizaia 13:3

E Nọyaẹnmwa tie avbe ivbiyokuo ẹre ni hio ke ni vbe din nii ladian ne iran do khọn okuo nọhuanrẹn, ne iran vbe rri iran ne ohu ẹre mu oya.

Zẹkaraia 14:5

We ghi lẹ la iya na ne ọ fian oke ni rra ya sẹ obọ nọkpa ladian. Wa ghi lẹ zẹ vbene avbe erha uwa odede ka lẹ vbe ẹghẹ ne igbohiotọ na gha rrọ vbe ẹghẹ Ọba Uzaia ọghe Juda. E Nọyaẹnmwa Osanobua mwẹ gha viọ avbe odibosa hia mwẹ obọ gha dee.

Matiu 24:31

Okpe nọkhua ghi tu, rẹn ghi gie avbe odibosa ẹre ladian gha rrie igie enenẹ agbọn. Iran ghi ya si e na hannọ zẹ ọghọe koko ke okhiẹ agbọn ọkpa ya sẹ nọkpa.

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

I Tẹsalonaika 3:13

Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.

II Tẹsalonaika 2:1

Vbe ekpa urremwẹ Nọyaẹnmwa Jesu Kristi, kevbe wẹ, a gha si ima koko ba irẹn ne a gu ẹe gha rrọọ, I rinmwian uwa etẹn mwẹ,

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Ebe ne Jud gbẹẹn 1:14

Inọk ne ọ re, ọmwa ne ogiehan ke egbe Adam wa gha dee zẹẹ, ọre ọ guan ẹmwẹ iran na ye otọ ẹghẹ nii wẹ: “Ghe, Nọyaẹnmwa gha rre ke irẹn kevbe arriaigbe vbe uwu avbe odibo ẹre ni huanrẹn.