Psalm 50:2 - Edo Bible (E Baibol Ẹdo) Version 1996

² E Nọyaẹnmwa wan uwanmwẹ, ke Zaiọn rre, ẹvbo nii ne osẹ gba na fo.

Psalm 50:2 ပူးပေါင်းရင်းမြစ်များ

Psalm 48:2

E Zaiọn ne oke Osanobua oke ne ọ yo kevbe ne ọ mose nọ ẹvbo ọba nọkhua, ne ọ sẹ otọ agbọn hia ọyẹnmwẹ.

Psalm 48:3

Osanobua rhiema nẹ wẹ rẹn sẹe ne a lẹ gbinna vbe uwu ehe ne a gbe odin lẹga ọghe ẹvbo nọkhua nii.

Psalm 68:24

Osanobua, emwa hia bẹghe ọbọbọ akhọnmiotọ ruẹ, vbe ne Osanobua, ọba mwẹ ya na na la uwu owa ne ọ huanrẹn ọghọe hẹ.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 80:17

Rhie emwa ruẹn ne u hannọ zẹ lẹre, ne u vbe degue iran, uhunmwu ẹvbo ne uwẹ ya wegbe ẹsẹse.

Psalm 80:2

Rhie egbe ruẹ ma ẹwae Ifreim, e Bẹnjamin kevbe Manasẹ. Rhie ẹtin ruẹn ma mwa, larre do miẹn mwa fan.

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

Ihuan Ne Ọ Sọọ Ihuan Hia 5:16

Unu ẹnrẹn rhiẹnrhiẹn ne a mu hiẹnhiẹn emwi ẹnrẹn hia ye gbe sasa mwẹ erriọ enida mwẹ khọe ikhuo e Jerusalẹm.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Eve Orriara 2:15

Emwa ni la ore ẹvbo nii gberra ghi gha ghe ruẹ sọnnọsọnnọ iran ghi fieghe uhunmwu iran ghi gha giẹ udemwẹ e Jerusalẹm wẹẹ, “Ẹvbo olose nii ọna gele khin ra? Emwi ne otagbọn hia ya ghan ọna khin ra?”

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Habakọk 2:20

E Nọyaẹnmwa rre uwu Ọgua Osa ẹre nọhuanrẹn, wa gie emwa hia ni rre otọ agbọn gbẹdọ hiii vbe odaro ẹre.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Diuteronomi 33:2

E Nọyaẹnmwa ke Oke Sainai gha dee, ọ keghi yan rre vbe owẹn yan Idọm, ọ keghi ke uhunmwu Oke Paran yunmwu yan emwa ẹnrẹn, Odibo Osa arriaisẹn igbe keghi deba ẹre erhẹn ne ọ baa kegha rre obọ erha ọmwa ẹnrẹn.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.