Psalm 50:14 - Edo Bible (E Baibol Ẹdo) Version 1996

¹⁴ Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Psalm 50:14 ပူးပေါင်းရင်းမြစ်များ

Job 22:27

U gha na erhunmwu, ọ ghi họn we ghi vbe gha ha emwi ne u ve.

Psalm 147:1

Wa rho e Nọyaẹnmwa! Ọ kere ne a gha so ihuan urhomwẹ ghe Osanobua mwa; ọ rhiẹnrhiẹn, ọ vbe kei ne a rho ẹre.

Psalm 22:25

I gha rho ruẹ ye emwi ne u ru, vbe adesẹ iko ne ọ gbae, vbe sirra iran hia ni ga a, I gha zọ ese emwi ne I ve.

Psalm 22:26

Avbe ivbiogue gha re vbene iran ho, iran ni bu e Nọyaẹnmwa rre, gha rho ẹre, te agbọn gha ma iran ẹdẹdẹmwẹdẹ.

Psalm 27:6

Erriọ ọ re I gha na khọnmiotọ vbe uhunmwu avbe eghian mwẹ ni lẹga mwẹ. I gha ya urhu oghọghọ ne ọ la zọ ese vbe uwu Ọgua Osa ẹre. I gha so ihuan, I gha rho e Nọyaẹnmwa.

Psalm 50:23

Ekpọnmwẹ ọrọre ese ne ọ rhie ọghọ mẹ, mẹ gha vbe miẹn iran hia ni họn ẹmwẹ mẹ fan.”

Psalm 56:12

Osanobua mẹ gha ha emwi ne imẹ ve ne uẹn mẹ gha viọ emwi imuohan ọghe ekpọnmwẹ mwẹ nuẹn.

Psalm 61:8

Erriọ I gha so ihuan urhomwẹ ghe ruẹ vbe I a gha viọ emwi ne I ve ye urhu guẹ ẹdẹgbegbe.

Psalm 65:1

Osanobua, ọ kere ne ima gha rho ruẹ vbe Zaiọn ne ima gha mu eyan ne ima yan ma ruẹn sẹ.

Psalm 69:32

Iran ne a zẹ kpokpo gha miẹn ọna, ẹko gha rhiẹnrhiẹn iran. Ọna gha rhie igiẹdu ne iran ni ga Nọyaẹnmwa.

Psalm 76:11

Ha emwi ne u ve, ne Nọyaẹnmwa Osanobua ruẹ; wa ye imuohan gie ẹe wa ne agbọn ẹvbo ni sikẹ edinran.

Psalm 76:12

Osanobua ru ẹe ne emwa gha mu ohan irẹn ọ munọ iran ni tọn egbe mu rriotọ ọ keghi vbe runran avbe ọba nekhua.

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Nahum 2:1

E Ninevi, ghe vbe iran hẹ rhu uẹ! Ẹtin ne ọ ra duẹ ruẹ ua rre nẹ! Viọ emwa ye ogba ikhẹegbe ruẹ; mu egbe khẹ okuo!

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Diuteronomi 23:21

“U gha ru eyan emwi ne Nọyaẹnmwa Osanobua ruẹ, ghẹ fi iyeke gbe, vbe na i na ru emwi nii, e Nọyaẹnmwa gha ka ẹe yuẹ urhu ighẹ emwi ne u yanrẹn, orukhọ nọ a deghẹ a ma mu ẹẹn sẹ.

Diuteronomi 23:22

A deghẹ a ma ve Nọyaẹnmwa emwi, ẹ i re orukhọ.

Diuteronomi 23:23

Sokpan, u gha ghi ya ekhọe obọ ru ẹe ve emwi nẹ, gie a miẹn wẹ u muẹn sẹ.

Diuteronomi 23:24

“U gha lele odẹ ne ọ rre ugbo emwiokọ ne a ya rua ayọn ne ọ baa ọghe ovbi Izrẹl ne ogieva ruẹ khian, u sẹtin kọlọ ọmọ rẹn re vbene ọ khọn ruẹn, sokpan ghẹ ya okhuae rhie vbọ kpa vbe evba rre.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.