Psalm 50:1 - Edo Bible (E Baibol Ẹdo) Version 1996

¹ Osa ne Oghodua e Nọyaẹnmwa, guan rẹn ọ da tie otọ agbọn ke ahọ yasẹ orrie.

Psalm 50:1 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

I Ọba 18:21

Elaija keghi hin bu iran gha khian ọ keghi kha wẹẹ, “Vbe ọ khian sikan mu uwa unu kpẹ sẹ hẹ yi ne uwa ya ta obọ ne u wa ye vbọ. A deghẹ e Nọyaẹnmwa ọrọre Osanobua, wa gae, a deghẹ e Bal ọrọre Osanobua, wa gae!” Sokpan, emwa nii ma wanniẹn ẹmwẹ rhọkpa.

I Krọnikol 15:17

Emwa ne iran zẹlẹe vbe uniẹn ne iran gha kpe avbe isẹ ẹrọnmwọ ọ re ena khin: E Heman ne ovbi e Joẹl, ọtiọnrẹn ighẹ Asaf ne ovbi e Berakia kevbe Etan ne ovbi e Kusiaia ne uniẹn e Merari. Iran kevbe zẹlẹ avbe Livai na ne iran ru iyobọ ne iran ni kpe akpata ne urhu ẹre ye ghẹnrẹn. Iran na ọrọre Zẹkaraia, Jaaziẹl, Siemiramot, Jẹhiẹl, Uni, Eliab, Maaseia kevbe Benaia. Avbe Livai ne iran zẹ ne ọ gha kpe akpata ne urhu ẹre ma vbe yo gbe ọre ena khin: Matitaia, Elifelehu, Mikneia, Azazaia deba Obẹd Idọm kevbe Jeiẹl ne ni khẹ Ọgua Osa.

I Krọnikol 16:37

E Devid ne ọba keghi wa rhie Asaf kevbe avbe Livai ne ihua ẹre yọ fẹẹrẹ ighẹ ugamwẹ ne a ru vbe ehe ne a mu Ẹkpẹti Ile yi. Te a wẹ ne iran gha winna iwinna iran vbe evba ẹdẹgbegbe.

I Krọnikol 25:2

Ivbi Asaf ni ikpia enenẹ ighẹ Zakọ, e Josẹf, e Nẹtanaia kevbe Asiarela. Asaf ọ re ọ gha gbearoghe iran na, iran ọ re ọ ta vbene Osanobua kha hẹ ladian vbe ẹghẹ ne ọba a rhirhi ya wẹ ne a ru vberriọ.

I Krọnikol 25:6

Ivbi ẹre ni ikpia hia wa guara kpe isẹ kevbe akpata vbene erha iran na dia iran ne a gha rhie ẹre ba ugamwẹ Ọgua Osa. Ọba ọ re ọ gha ta ne a gha ru ma Asaf, Jedutun kevbe Heman.

I Krọnikol 6:24

Tahat, Uriẹl, Uzaia, Siaul.

II Krọnikol 29:30

Ọba kevbe avbe iran ne ọkaolotu ẹvbo nii keghi tama avbe Livai ne iran so ihuan urhomwẹ ne Devid kevbe Asaf ne akhasẹ gbẹnnẹ, ghe Nọyaẹnmwa. Emwa hia keghi ye ẹko rhiẹnrhiẹn mwẹ gha so ihuan ghe Nọyaẹnmwa vbe ehe ne iran na diguẹ nii, iran na ga Osanobua.

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Nehimaia 9:6

Ẹghẹ nii, emwa Izrẹl keghi na erhunmwu na: “Wẹ ne Osa ọkpa ọrọre Nọyaẹnmwa mwa: wẹ ọ re ọ yi aro iso kevbe avbe orhọnmwẹ ni rre aro iso. Wẹ ọ re ọ yi otọ kevbe okun, kevbe emwi hia ni rre uwu iran; wẹ ọ re ọ rhie arrọọ ne iran. Ẹtin ni rre ẹrinmwi vbẹrre ya uhunmwu rhanmwẹ otọ ne uẹn.

Psalm 113:3

Ke ahọ ya sẹ orrie wa rho eni e Nọyaẹnmwa!

Psalm 73:1

Osanobua wa ya obọ esi mu Izrẹl avbe iran ne ekhọe esi ni rrọọ.

Psalm 74:1

Vbọzẹ ne u na sẹ ima rae vbenian yi Osanobua? U gha wa mu ohu ghe emwa ruẹn rhinrin ẹdẹ ra?

Psalm 75:1

Ma rhie ekpọnmwẹ ne uẹn Osanobua ma rhie ekpọnmwẹ nuẹn ma tae ladian vbene uwẹ kpọlọ hẹ ma kevbe na iyẹn iwinna ọyunnuan nibun ne uwẹ winnaẹn.

Psalm 76:1

A rẹn Osanobua vbe Juda a vbe ya ọghọ ne eni ẹnrẹn vbe Izrẹl.

Psalm 77:1

I kakabọ datu tie Osanobua I kakabọ datu, ọ keghi họn urhu mwẹ.

Psalm 78:1

Wa ne emwa mwẹ, wa danmwehọ emwi ne I ma uwa ẹre, ne uwa vbe gbe ehọ kotọ vbe I guan.

Psalm 79:1

Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 81:1

Wa we uwemwẹ oghọghọ ne Nọyaẹnmwa ọmwa ne ọ gbinna ne ima, wa so ihuan urhomwẹ ghe Osanobua Jekọb.

Psalm 82:1

Osanobua miẹn agba dia vbe iko ẹrinmwi, vbe iko ne avbe ẹrinmwi do, rẹn ọ re ọ kha vbene irẹn tae yi hẹ:

Psalm 83:1

Osanobua, ghẹ hunwan, ghẹ mudia ye ihọkpa, ghẹ ghe ẹmwẹ.

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 10:6

Nọyaẹnmwa, a i miẹn ọmwa ne ọ ye vbe ruẹ; wẹ kpọlọ ẹsẹse, eni ruẹn kpọlọ, ọ vbe mwẹ ẹtin.

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 25:32

A ghi do si emwa ni rre agbọn na hia si koko ye odaro ẹre. Rẹn ghi do wannọ iran ye oka eva zẹ vbene Ọsuohuan hannọ ohuan hin uwu ẹbu ẹwe rre.

Jọsua 22:22

“Ọmwa ne ọ yan Ẹtin nii ọrọre Osanobua! Rẹn ọrọre e Nọyaẹnmwa! Rẹn rẹn emwi ne ọ ya ima ru emwi na, ọ vbe kei ne uwa vbe rẹn. A deghẹ te ima sọtẹ ighẹ ma ma ghi rhie ekhọe ye ẹmwẹ Nọyaẹnmwa, wa ghẹ sẹ ima rae ye agbọn ọvbehe!