Psalm 5:11 - Edo Bible (E Baibol Ẹdo) Version 1996

¹¹ Sokpan iran hia ne uwẹ degue gha ghọghọ. Iran gha sẹtin gha so ihuan oghọghọ vbe ẹghẹ hia. Degue iran hia ni ho ẹmwẹ ruẹn; rhunmwuda ruẹ ọ re iran na ghọghọ oghọghọ ẹmwata.

Psalm 5:11 ပူးပေါင်းရင်းမြစ်များ

Job 38:7

Ẹdẹ ne ẹdẹrriọ ghi gbe avbe orhọnmwẹ keghi koko so ihuan. Ighele ẹrinmwi hia keghi we ne oghọghọ.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 35:27

Iran ni ho ne a bu ohiẹn mẹ, te iran gha wee ne oghọghọ, ne iran vbe gha tae khian wẹẹ, “U miẹn vbe Nọyaẹnmwa kpọlọ hẹ! Ẹko rhiẹnrhiẹn ọẹn vbe ọ gha dunna ne eguọmwadia ẹre.”

Psalm 40:16

Iran hia ni bu ruẹ rre te iran gha ghọghọ ne iran vbe gha sẹ ọyẹnmwẹ te iran hia ni kpọnmwẹ ye imiẹnfan ruẹn gha kha wẹẹ, “U miẹn vbe Nọyaẹnmwa kpọlọ hẹ!”

Psalm 58:10

Ẹko gha rhiẹnrhiẹn ẹmwata, vbe iran a miẹn wẹ a rri emwa dan oya, iran gha tubu la esagiẹn emwa dan gberra.

Psalm 65:13

Uwu ogba vuọn ne avbe ohuan avbe uye keghi vuọn ne ọka emwi hia gha datu iran vbe so ihuan oghọghọ.

Psalm 68:3

Sokpan, avbe ẹmwata ghọghọ iran keghi vbe sẹ ọyẹnmwẹ vbe odaro ẹre ẹko rhiẹnrhiẹn iran, iran keghi vbe we uwemwẹ oghọghọ.

Psalm 69:36

Iran ni ho ẹmwẹ ọnrẹn gha yin evba nii.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 2:9

Sokpan vbene ebe kha re: “Emwi ne ehọ ma he họn, ne aro ma he miẹn, emwi ne a ma ro ighẹ ọ gha sẹtin sunu ẹdẹ, ọre Osanobua mwamwa ye otọ khẹ iran ni họ ẹmwẹ ọnrẹn.”

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.