Psalm 49:11 - Edo Bible (E Baibol Ẹdo) Version 1996

¹¹ Idin iran ọrọre owa etẹbitẹ iran, evba iran ra gha ye ẹdẹdẹmwẹdẹ, egbe ne a rhe ya miẹn wẹ, iran ka gha mwẹ otọe obọ iran yi.

Psalm 49:11 ပူးပေါင်းရင်းမြစ်များ

Gẹnẹsis 4:17

E Keni kevbe amwẹ ọnrẹn keghi biẹ ọmokpia ọkpa, iran na he ẹre Inọk. E Keni keghi bu ẹvbo ọkpa, ọna gha tie ẹre Inọk zẹ vbe eni ovbi ẹre.

II Samuẹl 18:18

Vbe ẹghẹ ne ọ na rre agbọn, Absalọm keghi ma ibiriki ayere ọkpa ne egbe ẹre vbe Iya Ọba, rhunmwuda ẹ i mwẹ ọmọ okpia ne ọ gha mu ẹgbẹe ọghe ọe gbọ. Ọ keghi he ẹre eni egbe ẹre. Do sẹ ẹdẹnẹrẹ, Ibiriki Ayere Absalọm ọ re a ye tie ẹre.

Psalm 10:6

Rẹn ghi tama egbe ẹre wẹẹ, “Mẹ i gbekuẹn ẹdẹ, mẹ i miẹn ọlọghọmwa ẹdẹ.”

Psalm 39:7

Nọyaẹnmwa, demwi ne I gha ye rhie aro yi yi? Idaehọ mwẹ rre ehe ne uwẹ ye.

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Psalm 64:6

Iran gha si uma dan nẹ iran ghi kha wẹẹ, “Iba ne ọ defiọ fo, ọ re ima wa mwamwa ye otọ na.” Ọkpaodin ọ re ekhọe kevbe orhiọn ọmwa nagbọn khin.

Asan-Ibo 2:14

Avbe umẹwaẹn sẹtin dẹghe ehe ne iran rrie, sokpan avbe akpa i sẹtin.” Sokpan, I vbe rẹn wẹ emwi okpa ọ re ọ ra rruan ima hia.

Asan-Ibo 2:21

Ọmwa ghi wa ya ẹwaẹn rẹn hia miẹn ẹsọn ye emwi ọkpa, vbe irẹnmwi ẹnrẹn kevbe iguemwi ẹnrẹn. Iyekọnii, u ghi wa sẹ ehia rae ne ọmwa ne ọ ma zẹdẹ miẹn ẹsọn yọ. Ọna i zẹdẹ maa, ọ ma vbe gba.

Ezikiẹl 38:10

Ẹmwẹ ne Nọyaẹnmwa ne Udazi tama e Gọg ọ re ọ ọna khin, “Ọ gha ghi sẹ ẹghẹ nii, u gha suẹn gha mwamwa emwamwa dan vbe ẹko ruẹ.

Iyẹn ne ọ Maan Ọghe Luk 11:39

Rhunmwuda ọnii Nọyaẹnmwa tama rẹn wẹẹ, “U ma miẹn, wa ne Farisi ghi gha kpe iyeke ukpu kevbe ọkpa, sokpan uwu uwa vuọn ne ọkpankpan kevbe emwi dan.

Iwinna 8:22

Rhunmwuda ọnii, ro iro fi uyinmwẹ werriẹ vbe emwi dan ne u mwamwaẹn na, ne u vbe na erhunmwu ghe Nọyaẹnmwa, ne ọ miẹn ehe na ya ẹe bọ ọ ighẹ ne u na gha zẹ egbe iro vbe nian vbe ekhọe ruẹ.

Diuteronomi 3:14

E Jea ne ovbi ẹwae Manasẹ keghi mu iwewe Agọb hia, ọnii nọ wẹ e Basian rhinrin ya sẹ uwu ọghe Gẹsiọ kevbe Maaka, ọ keghi he avbe igue ni rrọọ hia eni gi egbe irẹn, igue Jea ọ re a ye tie iran do sẹ ẹdẹnẹrẹ na.)

I Samuẹl 15:12

Ẹdẹ ghi gbe vbe owiẹ ne ọ lele ẹe, ọ keghi gua kpao ne ọ ya gualọ e Sọl. Ọ keghi họn wẹ e Sọl rrie ẹvbo ne a tie ẹre Kamẹl ehe ne ọ na ma orre ọkpa ne egbe ẹre, ọ vbe ke evba kpao gha rrie Gilgal nẹ.