Psalm 49:10 - Edo Bible (E Baibol Ẹdo) Version 1996

¹⁰ Aro emwa hia sẹ ọe wẹ avbe umẹwaẹn vbe wulo zẹ vbene akpa vbe abobo vbe ye, iran ghi sẹ ẹfe iran rae ne ivbi iran.

Psalm 49:10 ပူးပေါင်းရင်းမြစ်များ

Psalm 17:14

fanmwẹ ye otọ vbe obọ iran ne emwi agbọn na ne iran ho hia, sẹ ọre obọ. Ya usẹ ne u ghae ye otọ khẹ iran rri iran oya. Te ọ gha vbe sẹ avbe ivbi iran obọ vbọ ne a ye vbe sẹ eso rae khẹ eyẹ iran.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 49:17

Ọ gha wu, ẹi sẹtin kun ẹnrẹn kpao, ẹfe ẹre i ra lele ẹe la idin.

Psalm 73:22

I keghi wa kọn de ẹwe ua, I ma rẹn emwi ne uwẹ gha a ru.

Psalm 89:49

Nọyaẹnmwa, avbe emwi ne u ya, yama ye ahoẹmwọmwa ruẹn ẹghẹ nii vbọ yi? Avbe emwi ne u ve Devid re hia ghi vbọ?

Psalm 94:8

Wa ne emwa mwẹ vbe uwa na kọn de ọzuọ a hẹ vberriọ yi? De ẹghẹ ne uwa gha ya rẹn emwi yi?

Itan 11:4

Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Itan 12:1

Ọmwa ne ọ ho ẹmwẹ irẹnmwi ghi gha ho ne a tama irẹn vbe ọ gha ba emwi ku ru. Adeghẹ ọmwa i ho ne a dia ẹre ye odẹ, ukọnmwẹ nọ.

Itan 14:24

Ẹfe ọ re a ya san avbe umẹwaẹn ẹse; sokpan, ukọnmwẹ iran ọ re a ya rẹn avbe akpa.

Itan 30:2

Aranmwẹ oha ọ re I ghi khọ sẹẹ ọmwa nagbọn. Ẹwaẹn ne ọ kere ne ọ gha gu emwa nagbọn i ghi gue mwẹ.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 17:11

Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.

Iyẹn ne ọ Maan Ọghe Luk 12:20

Sokpan Osanobua tama rẹn wẹẹ, ‘Wẹ ne akpa! Asọn na, a gha miẹn ruẹn orhiọn ruẹn. De ọmwa ne ọ ghẹ ghi yan ekhuan ne u khuan ye otọ ne egbe uẹ na.’ ”

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.