Psalm 48:8 - Edo Bible (E Baibol Ẹdo) Version 1996

⁸ Ma ka họn emwi ne Osanobua ru nẹ banbanna nian aro mwa sẹ ọe vbe ẹvbo Osanobua mwa. E Nọyaẹnmwa ne Oghodua; ọ gha rhie ẹvbo ni lẹre ẹdẹdẹmwẹdẹ vbe ne ẹi na mwẹ ẹbe.

Psalm 48:8 ပူးပေါင်းရင်းမြစ်များ

I Ọba 22:49

Ẹre Ahazaia ne ọba Izrẹl na we ne emwa irẹn lele emwa Jehosiafat gu oko sokpan e Jehosiafat ma kue yọ.

Psalm 46:5

Osanobua rre ẹvbo nii, a i vbe fuọn ruan ẹdẹdẹmwẹdẹ; ọ gha rre do yọre obọ vbe owiẹ vbirrivbirri.

Psalm 87:5

A gha tae vbe ekpa Zaiọn wẹ, evba nii ọrọre ọghe uhunmwu ẹvbo hia kevbe wẹ, Oghodua gha ru ẹe ne ọ wegbe.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Aizaia 38:19

Emwa ni rre agbọn ọ re ọ rho ruẹ, zẹ vbene I rho ruẹ na. Erha emọ tama emọ vbene u maa hẹ.

Ezikiẹl 27:26

Avbe oziguẹ ruẹ ghi mu ẹẹn la ẹzẹ nẹ ẹhoho odẹ ahọ keghi gbe uẹ ye ẹzẹ vbe ehe ne ọ rrei ne otọe.

Maika 4:1

Ẹdẹ dee ne a gha miẹn wẹ oke nii ne a bọ Ọgua Osa yi ọ re ọ ra yo sẹ ehia fẹẹrẹ, ọ ghi gha ghee ni dekẹe adesẹ uhunmwu. Agbọn ẹvbo nibun gha rre, iran ghi gha vẹ bu ẹre rre.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.