Psalm 47:6 - Edo Bible (E Baibol Ẹdo) Version 1996

⁶ Wa so ihuan urhomwẹ ghe Nọyaẹnmwa, wa so ihuan urhomwẹ ghe ọba mwa

Psalm 47:6 ပူးပေါင်းရင်းမြစ်များ

I Krọnikol 15:28

Ẹre ivbi Izrẹl hia na lele Ẹkpẹti Ile gha die Jerusalẹm deba uwemwẹ oghọghọ, kevbe urhu okpe, ẹkperẹ kevbe ukusẹ deba urhu akpata.

I Krọnikol 16:9

Wa so ihuan urhomwẹ ghe Nọyaẹnmwa, ta emwi ọyunnuan ne ọ ru ladian.

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

Psalm 145:1

I gha ta ọta ukpọlọmwẹ ruẹn, Osanobua mwẹ kevbe ọba mwẹ, I gha kpọnmwẹ uwẹ ẹdẹ kevbe ẹdẹdẹmwẹdẹ.

Psalm 68:4

Wa so ihuan ghe Osanobua wa so ihuan urhomwẹ ghe eni ẹnrẹn, wa zẹ odẹ nẹ ọmwa ne ọ hin okuku amẹ khian. Nọyaẹnmwa ọ re a tie ẹre, wa gha sẹ ọyẹnmwẹ vbe eni ẹnrẹn.

Psalm 89:18

Nọyaẹnmwa, wẹ ọ re ọ zẹ ọmwa ne ọ degue mwa, wẹ, Ọmwa Ne ọ huanrẹn Izrẹl, ọ re ọ rhie ọba mwa ne ima.

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Matiu 27:37

Iran keghi gbẹnnẹ ẹzọ ne a guẹe gui mu ye odukhunmwu ẹnrẹn. “Ọna ọrọre Jesu, Ọba avbe Ju.”