Psalm 47:1 - Edo Bible (E Baibol Ẹdo) Version 1996

¹ Wa hia ya oghọghọ kpe obọ wa ne emwa hia, wa kakabọ so ihuan ya rho e Nọyaẹnmwa.

Psalm 47:1 ပူးပေါင်းရင်းမြစ်များ

II Samuẹl 6:15

Rẹn kevbe ivbi Izrẹl hia keghi gba mu Ẹkpẹti Ile nii gha die Jerusalẹm kevbe uwemwẹ oghọghọ kevbe urhu okpe.

II Ọba 11:12

Ẹre Jehoiada na rhie Joas ladian, ọ keghi mu ẹde ye ọre uhunmwu, ọ na rhie ọkpa ne ẹẹn vbe uwu ebe ọghe vbene ọba yin hẹ. Ẹre a na sa ori ye Joas uhunmwu, a na ma ẹre ọba. Emwa hia keghi kpe obọ, iran were tii kha wẹẹ, “Ọba gha tọ, ọ kpẹre!”

II Krọnikol 13:15

Ivbi e Juda na wa davan, Abija keghi ke odaro ne iran, iran na suẹn igbinna, Osanobua keghi khọn e Jeroboam kevbe ivbiyokuo Izrẹl.

Psalm 106:47

Miẹn ima fan, Nọyaẹnmwa Osanobua mwa, ne u viọ ima werriegbe ke uwu ẹbu avbe uhunmwu ẹvbo ladian, ne ima miẹn ehe na kpọnmwẹ ẹse ne a rho eni ruẹn ne ọ huanrẹn.

Psalm 42:1

Vbene ẹrhuẹ yan gualọ ẹzẹ amẹ ne ọ furre, erriọ ekhọe mwẹ yan gualọ ọ Osanobua.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 47:5

Osanobua hin ẹkete ẹre gha khian. Uwemwẹ oghọghọ rrọ deba okpe ne a kpee vbe ẹghẹ ne Nọyaẹnmwa na gha hin khian.

Psalm 98:4

Wa so ihuan oghọghọ ghe Nọyaẹnmwa, wa ne otọe agbọn hia, wa ya ihuan kevbe uwemwẹ oghọghọ rho ẹre!

Psalm 98:8

Wa ne ẹzẹ, wa kpe obọ wa ne oke, wa koko ya oghọghọ so ihuan, vbe odaro Nọyaẹnmwa.

Aizaia 55:12

“Oghogho wa ra ya kpao vbe Babilọn rre ọfumwegbe ọ re a ra ya viọ uwa ladian vbe ore ẹvbo nii. Avbe oke nekhua kevbe negiẹrẹ gha kpeghe urhu ua so ihuan, avbe erhan gha wee ne oghọghọ.

Jerimaia 31:7

E Nọyaẹnmwa khare wẹẹ, “Wa ya oghọghọ so ihuan ne Izrẹl ne ọ kpọlọ sẹẹ vbe uwu avbe ẹvbo hia, wa so ihuan Urhomwẹ ọwua, ‘E Nọyaẹnmwa miẹn emwa rẹn fan nẹ, ọ fannọ iran ni ghi dekẹe werriegbe.’

Zẹfanaia 3:14

Wa so ihuan, wa we ne oghọghọ, wa ne ivbi Izrẹl! Ye ekhọe ruẹ hia gha ghọghọ, e Jerusalẹm!

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

I Samuẹl 10:24

E Samuẹl keghi Tama emwa nii wẹẹ, “Wa ghe ọmwa ne Nọyaẹnmwa zẹẹ, ọmwa ọvbehe ne ọ yevbe ọre vbe uwu ima i rrọọ.” Iran hia keghi wa we wẹẹ, “Ọba gha tọ ọ kpẹre!”