Psalm 46:9 - Edo Bible (E Baibol Ẹdo) Version 1996

⁹ Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Psalm 46:9 ပူးပေါင်းရင်းမြစ်များ

Psalm 66:5

Wa do ghe iwinna ne Osanobua winna ẹn, iwinna ọyunnuan rẹn vbe uwu ẹbu emwa.

Aizaia 10:23

Ẹn, e Nọyaẹnmwa ne Ogie ne Udazi gha gie ọfuan la ẹvbo nii khinkhian, zẹ vbene ọ tae ighe rẹn gha ru ẹe.

Aizaia 11:9

A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Ezikiẹl 39:3

Ẹghẹ nii, I ghi gbe uhanbọ ẹre fua hin obọ iye ọmwa rẹn rre kevbe ifẹnmwẹ ọnrẹn hin obọ erha ọmwa rre.

Maika 5:10

E Nọyaẹnmwa khare wẹẹ, “Ọ gha sẹ ẹghẹ nii, I gha viọ avbe ẹsin uwa kpao, I ghi vbe guọghọ ikẹkẹ okuo uwa a.

Jọsua 11:6

E Nọyaẹnmwa keghi tama e Jọsua wẹẹ, “Ghẹ gie ohan iran mu uẹn, vbe ọ te sẹ ẹghẹ na akhuẹ, I gha gbele iran hia fo ne ivbi Izrẹl. Wa ghi kun avbe ẹsin iran use, wa ghi giẹn ikẹkẹ okuo iran an.”

Jọsua 11:9

E Jọsua keghi ru iran vbe ne Nọyaẹnmwa khare: ọ keghi kun ẹsin iran use, ọ na giẹn ikẹkẹ okuo iran an.

I Samuẹl 2:4

A bunnọ uhanbọ ivbiyokuo ni wo, sokpan, nọma wegbe kegha wo yọ.