Psalm 46:8 - Edo Bible (E Baibol Ẹdo) Version 1996

⁸ Wa larre ne uwa do ghe, emwi ne Nọyaẹnmwa ru wa do ghe iwinna ọyunnuan ne ọ winnaẹn vbe uhunmwu otọ agbọn.

Psalm 46:8 ပူးပေါင်းရင်းမြစ်များ

Psalm 146:5

Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

Psalm 59:10

Osanobua mwẹ ho ẹmwẹ mwẹ, ọ gha rrọ mwẹ rre, ọ gha gun mwẹ miẹn iyeke avbe eghian mwẹ.

Psalm 66:5

Wa do ghe iwinna ne Osanobua winna ẹn, iwinna ọyunnuan rẹn vbe uwu ẹbu emwa.

Ẹksọdọs 10:7

Ekhaẹmwẹ ọba Igipt keghi tama rẹn wẹẹ, “Inu ẹghẹ oko na ra kpokpo ima la vbe otọe yi? Gie ivbi Izrẹl nikpia kpao ne iran ya ga e Nọyaẹnmwa ne Osanobua iran. Wẹ ma he ye rẹn nian ighẹ Igipt khian ne ọ rẹnkhẹn uan?”

Ẹksọdọs 12:30

Vbe asọn nii ọba Igipt ke ẹe kevbe ekhaẹmwẹ ọnrẹn kevbe ivbi Igipt hia keghi gua kpao vbe asọn nii, eve keghi gba ehe hia vbe Igipt, rhunmwuda a ma miẹn owa ọkpa ne ọmọ okpia ma na wu.

Aizaia 24:1

E Nọyaẹnmwa ra duẹ otọ agbọn na an, ọ ghi sẹ ọe rae vbe ihoi. Ọ gha mu ehe ne a ya owẹ rrilo vbe otọe agbọn khiẹn yo khiẹn rre, ọ ghi zagha emwa ni rrọọ kua.

Aizaia 61:4

Iran gha dọlọ avbe ẹvbo nii bọ ni te re itowa ke ẹkpo nii gha dee.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Nọmbas 14:9

Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Nọmbas 23:23

Ẹbo awan ọkpa i rrọ, ra azẹn, ne a gha sẹtin ya ru ẹvbo ivbi Izrẹl emwi emwa gha ta vbe ekpa Izrẹl wẹẹ, ‘U ma miẹn emwi ne Osa ru ne iran.’

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.