Psalm 46:7 - Edo Bible (E Baibol Ẹdo) Version 1996

⁷ E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Psalm 46:7 ပူးပေါင်းရင်းမြစ်များ

II Krọnikol 13:12

Osanobua tobọ ẹre ọrọre ọkaolotu mwa, avbe ohẹn irẹn rre emwa na, iran viọ okpe mwẹ iran wa mu egbe ne iran kpe ẹre vbe ẹghẹ ne ọ rhirhi gha khin ne iran ya tie ima gha die okuo ne a ra gu uwa khọn. Izrẹl, wa ghẹ gu e Nọyaẹnmwa ne Osanobua avbe erha uwa odede gbinna. Obọ uwa i sẹtin ke okhunmwu.”

Psalm 2:1

Vbọzẹ ne avbe agbọn ẹvbo na si uma isọtẹ yi? Vbọzẹ ne emwa na vbe si uma akuọkan iran.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 9:9

E Nọyaẹnmwa ọrọre ehe ne iran na khu khian lẹ fi ehe ne ẹbe i ye vbe ẹghẹ ọlọghọmwa.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Nọmbas 14:9

Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.