Psalm 45:9 - Edo Bible (E Baibol Ẹdo) Version 1996

⁹ Avbe ivbiọba nikhuo rre avbe ikhuo ni rre ẹrriẹ ruẹ amwẹ ọba vbe mudia ye obọ erha ọmwa ẹkete ruẹ, vbe ne ọ na ya emwi itegbe ọghe igoru ne ọ maa sẹẹ han.

Psalm 45:9 ပူးပေါင်းရင်းမြစ်များ

I Ọba 10:11

(Ye vbe deba ena hia, ọgbagba okọ ọghe Hiram ne ọ ya viọ igoru ke Ọfii rre kevbe viọ avbe erhan ni mose kevbe ikpẹrọnmwọ rre ba ẹre.

I Ọba 2:19

Ẹre Batsiẹba na bu ọba ne ọ ya gu ẹe guan ne Adonaija. Ọba keghi gua kpao ne ọ tue iye ẹe, ọ kevbe vbokho uhunmwu rriotọ ne ẹẹn. Ọ keghi tota ye ẹkete ẹre ọ na wẹ ne iran mu ẹkete ọvbehe rre ne ọ tota yọ diake irẹn vbe obọ erha ọmwa.

I Ọba 2:9

Sokpan ghẹ sẹ ọe rae vbe ne ọ ma na rri oya yọ, u rẹn emwi ne u gha ru, u ghi gia miẹn wẹ a gbe ẹe rua.”

I Krọnikol 1:23

Ọfa, Havila kevbe Jobab.

Job 22:24

Filo avbe igoru ruẹ kua; hihiẹ avbe igoru ruẹ ni maa sẹẹ ye otọ ẹzẹ ne amẹ i ghi ye.

Psalm 45:13

Ovbi ọba nokhuo rre uwu ẹguae, u miẹn vbene ọ mose hẹ ẹde ne ọ yọe oru igoru ọre a ya do ẹe.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Itan 7:17

I gbe ori ne ọ winhin khakhae, avbe oziya, alọe kevbe esinamọn.

Ihuan Ne Ọ Sọọ Ihuan Hia 7:1

A miẹn vbene u mose hẹ, uvbi! A miẹn vbe owẹ ruẹ mose hẹ vbe uwu ibata, vbene u gada owẹ yevbe iwinna ọghe, owinna ne ọ guẹ ona.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Iyẹn ne ọ Maan Ọghe Jọn 3:29

Ọdafẹn ọha ọre ọ yan ovbiọha. Ọse ọdafẹn ọha ghi mudia gha danmwehọ, ẹko ghi gha rhiẹnrhiẹn ọẹn vbe ọ gha họn urhu ọdafẹn ọha. Erriọ zẹẹ ọre a ya ye ọyẹnmwẹ ne ọ sẹmwẹ khian ne ọ gbae.

Arhie Maan 19:7

Wa gie ima gha ku, ne a gha ghọghọ, wa gie ima rho ukpọlọmwẹ ọnrẹn! Rhunmwuda ẹghẹ sẹ nẹ ne a ra na do ugie orọnmwẹ ọghe Oteghe Ohuan nii, ovbiọha vbe mu egbe ẹre ye otọ nẹ.

Arhie Maan 21:2

I keghi bẹghe Ẹvbo Ne Ọ Huanrẹn nii, Jerusalẹm ne ọgbọn, ọ tuorre ke ehe ne Osanobua ye vbe ẹrinmwi dee, a wa mu ẹre egbe ye otọ zẹ vbe ọha ne a rhie gie ọdọ ẹre.

Arhie Maan 21:24

Uwanmwẹ ọnrẹn ọre emwa ni rre agbọn gha ya bẹghe odẹ, ne iran la khian, avbe ọba agbọn ghi kun ẹfe iran gha die uwu ẹre.

Arhie Maan 21:9

Ọkpa vbe uwu iran ne odibosa ihinrọn ni viọ ọkpan ni vuọn ne egboghogbogho ihinrọn ne okiekie, keghi bu mwẹ gha dee, ọ wẹẹ, “Larre ne I do ma ruẹn Ovbiọha, ne ọre amwẹ Oteghe Ohuan nii.”